影片
更多
2012-07-29
51 瀏覽
西宮係元朗一間西餐廳，每日午市時段供應一般西餐，到左夜晚就會專門供應中,西,日式自助餐呢間餐廳晚市自助餐o係星期六,星期日及公眾假期分兩場進行，中場時段需要清場，至於平日只係做一場，若果客人黃昏六點幾到達，真係慢慢食，呢o的不限時自助餐可以坐四個鐘都唔會被侍應催埋單早前參加一個網站活動，有機會被選去試食呢間餐廳o既自助餐，好多人都問本人點解住港島南區要專登入去元朗食自助餐，又唔係有錢收，就算係免費試食，都要花好多時間及車錢由市區搭車入元朗，可能就係一份誠意，再加上有位住o係天水圍o既朋友肯陪我去，令我有機會出席呢個試食分享本人獲得o既試食券可以一個人免費試食，至於用餐時間同一般客人冇分別，若果選擇星期六日黎就要夜晚八點前離座又或者八點幾後先可以入座，既然係專程入元朗，就不如同朋友坐耐o的傾下計慢慢食仲好，於是選左公眾假期之後一日去西宮食自助餐 當日黃昏放工後，由葵芳搭巴士到元朗大約45分鐘，開心廣場位於大馬路，唔難揾呢個商場，我地7pm 前去到餐廳，已經坐滿八成坐位，雖然知道之前有成三千人要o係三個月內用團購 coupon，不過冇諗到平日黃昏都有咁多人咁早放工黎食自助餐餐廳以深色原木色
呢間餐廳晚市自助餐o係星期六,星期日及公眾假期分兩場進行，中場時段需要清場，至於平日只係做一場，若果客人黃昏六點幾到達，真係慢慢食，呢o的不限時自助餐可以坐四個鐘都唔會被侍應催埋單
早前參加一個網站活動，有機會被選去試食呢間餐廳o既自助餐，好多人都問本人點解住港島南區要專登入去元朗食自助餐，又唔係有錢收，就算係免費試食，都要花好多時間及車錢由市區搭車入元朗，可能就係一份誠意，再加上有位住o係天水圍o既朋友肯陪我去，令我有機會出席呢個試食分享
本人獲得o既試食券可以一個人免費試食，至於用餐時間同一般客人冇分別，若果選擇星期六日黎就要夜晚八點前離座又或者八點幾後先可以入座，既然係專程入元朗，就不如同朋友坐耐o的傾下計慢慢食仲好，於是選左公眾假期之後一日去西宮食自助餐
當日黃昏放工後，由葵芳搭巴士到元朗大約45分鐘，開心廣場位於大馬路，唔難揾呢個商場，我地7pm 前去到餐廳，已經坐滿八成坐位，雖然知道之前有成三千人要o係三個月內用團購 coupon，不過冇諗到平日黃昏都有咁多人咁早放工黎食自助餐
餐廳以深色原木色調同埋巨大落地玻璃窗爲主，裝左巨大o既水晶燈，舒適寫意，不過我地覺得餐廳呢o的裝修仲未能夠營造酒店氣氛我地可能人數較少，兩個人被安排坐o係一張大長枱較側邊位置，原來餐廳o係中間用左一塊屏風隔開我地同另一班客人，之後侍應話我地可以出去拎野食
食物種類一般，中,西,日式每類都有兼顧，當中熱盤款式比較少，唔太多野揀
對於一般自助餐黎講，壽司吧o既款式算係不過不失，刺身由一位師傅負責切，即叫即切，當晚供應三文魚，吞拿魚及甜蝦三款，至於壽司有甜蝦,三文魚,熟蝦,炸蝦卷,蟹籽等九款，呢度唔係做日式放題，所以冇得供應北寄貝,鰻魚,希靈魚,花之戀及手卷等款式
除左刺身及壽司，呢度放左多款日式食品，好似冷麵,八爪魚,螺肉,中華沙津,枝豆，比較驚喜有溫泉蛋同埋日式蒸蛋
三文魚刺身都算大塊，吞拿魚刺身一般水準，三文魚壽司有o的係腩，甜蝦壽司都唔錯，唔會乾晒水，有款壽司外層o的飯係粉紅色，比較特別
至於頭盤有多款海鮮，好似青口, 瀨尿蝦,翡翠螺,白灼蝦同埋蜆，有幾款醬汁俾大家點呢度o的麵包唔係自助形式，侍應無端端送一客蒜蓉包俾每檯客人，其實係有o的奇怪，佢話餐廳送每位客人一塊蒜蓉包，我地覺得味道一般
餐湯有忌廉湯同埋麵豉湯兩款，忌廉湯印象中有粟米及其他配料，幾好飲，值得推介
麵豉湯相信o係自助餐比較少見，不過味道太淡，真係o係街飲咁多次麵豉湯最淡係今次，唔掂喔！
主菜方面有小丸子,炸蝦天婦羅,麵包糠蝦球,咖哩雞,海鮮焗飯,薯餅,獅子狗芝士魚蛋煮娃娃菜,粉絲扇貝,骨肉相連,印度薄餅睇返之前其他人o既食評，當晚印象中唔見韮菜春卷,咖喱牛腩,燒雞翼,芝士魚蛋,炸麵包糠蝦球,芝士焗生蠔，如果唔係我實會試食，另外當晚o的青口係凍食，所以冇芝士青口呢款菜式
炸蝦夠熱夠脆幾好食，小丸子都好，薯餅亦好食
凱撒沙律個汁唔差，不過o的煙肉有o的硬另外，餐廳安排左兩位員工負責西冷牛扒及烏冬拉麵檔口，客人想食牛肉或拉麵可以即時落order
朋友拎左件西冷牛扒俾我，o的牛肉真係幾生，比較難切，如果唔係o的黑椒汁撈埋o的牛肉，相信比較難食落口，不過若果閣下歡喜食呢o的好生o既頂級西冷牛扒就萬勿錯過，因為呢度有大量供應，唔似得壽司刺身，呢o的牛扒冇乜人同你爭黎食，據聞頂級西冷牛扒係普通餐廳真係價錢唔平，若果鍾意食真係覺得呢餐值回票價
至於拉麵唔似得好多自助餐或者日式放題店俾成大碗客人，佢地每次俾細o的份量客人，若果唔夠可以再叫一碗，呢個安排實在值得一讚，若果大家食完咁大碗麵，好多人個肚都裝唔到其他野食聽朋友話o的拉麵水準好普通，做唔到日式拉麵店味道
最後我地食水果及甜品，當晚o既水果有西瓜及哈蜜瓜，至於甜品有芝士蛋糕,Brownie, Tiramisu,芭芙,焦糖布甸,日式草餅,阿波羅雪糕雪條
每份 Brownies 係一匙大細，細細件唔錯，不過唔夠鬆軟，同埋唔夠朱古力味，至於芭芙或者放得耐左淋淋地，日式草餅o係其他餐廳或酒店自助餐比較少見，其他蛋糕都算精緻華美餐廳選用阿波羅雪糕雪條可能會令好多人失望，不過本人覺得呢個安排都唔差，因為雪糕雪條都有差不多八款選擇，全部獨立包裝，乾淨衛生，唔駛見到成班人排長龍同埋小朋友爭住拔雪糕但係唔夠高又唔夠力去拔呢o的場面，大家歡喜食幾多就幾多，冇人同你爭食
呢度自助餐係包每人一杯無酒精飲品，若果加$8 可以無限任飲無酒精飲品，不過餐廳本身都供應凍水，所以我地當晚冇加錢任飲由於呢餐本人係免費試食形式，所以想試多o的唔同款式，冇打算食咁多，唔似得若果要俾錢要食多o的刺身及海鮮，要食返夠本o既心態
侍應服務質素都算好，佢地好快安排我地坐位，我地食完o的野都算快黎收碟，唔會阻住張枱，又成日幫我地加水
呢間餐廳衛生整潔，食客亦都較有質素，唔會將o的食物鉗亂放，本人最怕o的人拎住同一個食物鉗夾唔同o既野食，夾完炸蝦又去夾菜，攪到o的手柄好油
見到之前食評有人話呢個價錢點解唔去食放題，其實呢類自助餐與日式放題係冇得直接比較，大家唔好忘記好多時食日式放題都係食到趕頭趕命，餐廳為左做多o的生意要大家坐得較迫，侍應好快會叫大家 last order 同埋埋單，客人若果一夠時間仲唔離開就要睇侍應黑面，不過大家歡喜食希靈魚或者花之戀，日式放題係唯一選擇呢間餐廳食物味道同埋賣相都唔差，供應亦算充足，款式雖然唔算多選擇，不過以平價中、西及日式自助餐同埋o係元朗其實可以接受，當然野食種類唔可以同幾百蚊位o既酒店自助餐相比，本人最鍾意佢地自助餐平日只設一場不限時，唔會成班人趕頭趕命排長龍拎野食，呢度任坐幾個鐘都唔會俾人催埋單，大家食得悠閒，好適合成班人一齊聚會
不過本人今次真係好有誠意花時間及車錢專程黎試食，由於本人住o係港島南區，甚少到元朗，可見將來應該都唔會再黎
今次自助餐本人免費，至於朋友要俾$188再加一服務費，即係$207
西宮o既自助餐平日成人$160，小童$75，星期六及星期日需另加$10，若果早一日預訂會有八五折優惠
記得以前黃毅力開o既香港茶餐廳o係非繁忙時間推出$1 杯金牌奶茶優惠，可無限添飲同埋冇要求客人叫其他野食，不過餐廳老闆認為呢o的宣傳方式係拋磚引玉，有幾多人真係會齋飲杯奶茶唔叫其他野食?! 其實西宮o既免費試食都可算係拋磚引玉，因為有幾多人真係會一個人食自助餐呢？通常都至少兩個人黎食，有o的可能會成家人黎食添！今次試食我地雖然預早訂位，不過餐廳話試食o既同行者(即係我朋友)要俾正價，就算提早訂位都唔會有八五折優惠，所以免費試食o既人帶多o的人一齊食自助餐，餐廳邀請人黎試食就變得更化算
題外話/補充資料：
其實我地黎食自助餐之前都有留意呢間餐廳o既食評，部份人講得好差，但係又冇任何相片提供，講完呢間餐廳後隔左好耐都唔寫其他餐廳飲食體驗，令人有種刻意開個戶口唱衰餐廳o既感覺，大家要留意 OpenRice 唔係一個專門投訴餐廳o既平台，寫食評應該係一種習慣喔！
(以上食評乃用戶個人意見 , 並不代表OpenRice之觀點。)
張貼
