雄記粉麵 (已結業)

今日放假自己一個人走左去荃灣 逛街，諗起附近有間粉麵店好出名好多人食，於是乎就急急腳行去坐低，坐低無耐就叫左個春卷蠔油撈麵同埋一杯可樂！落單無耐個侍應就放低左個撈麵同一碗清湯比我食，首先試飲一啖湯，本人覺得真是咸左少少，跟住就急不及待食下個春卷撈麵，嘩………正！真是唔錯喎，D麵好弹牙好爽口，師傅淥得剛剛好，唔會太淋亦唔會太硬，配埋春卷一齊食，真是好食到不得了，最後飲埋杯冰凍可樂真是超級爽！我終於明白呢間粉麵店點解長期都成日有甘多人慕名而來食喇，雄記粉麵我下次一定會再來食既！