麻甩雞

營業中

休息中

好耐未嚟過大埔墟呢邊，今日落雨於是諗住買外賣返屋企慢慢食。無骨海南雞<半隻> $90 - 一打開盒真係有啲嚇親，雞嘅份量好多之餘，我最愛嘅醃蘿白都有好多，每份雞都有配3隻醬料<薑蓉/酸辣醬/甜豉油>，睇返佢地嘅介紹，發現酸辣醬同豉油都係佢地自家製造，第一次覺得海南雞嘅豉油係咁好食，醬汁好有驚喜！！！雞件皮滑肉嫩，好好食，成功登上我最愛嘅海南雞top3之一。口水雞翼<3隻>$24 - 雞翼已經一開二，方便食用，而且應該因為已經切半所以更加入味。脆香雞軟骨 $40 - 炸得好香口，而且完全唔油膩，即使拎到返屋企凍左都仲好好食。可惜今日生菜包已經賣完，下次一定要試到。