影片
更多
2008-10-12
43 瀏覽
知道佢嘅存在唔係因為被阿「蔡sen」吹一吹，而係佢本身都長期晌本地飲食雜誌係咁買廣告，兼送9折扣優惠券！有朋友試過佢個二人優惠套餐話抵食，又幾得，所以一心走去試吓！個套餐有成7樣嘢食，加埋嘢飲，份量又好夠，而且部份菜式又有得揀，幾就番晒香港人心態：又多又有得左拼右砌。1. 咖喱飯 / 牛扒飯 / 鰻魚飯 / 普通拉麵：任揀兩款，之前朋友話個咖喱飯得好少，鰻魚飯就好正，所以要咗鰻魚飯同普通拉麵。個鰻魚飯果然正喎，燒得油潤甘香，珍珠米粒分明好咬口，反而個拉麵就少少失望，其實佢係普通嘅叉燒拉麵，豬骨湯底，失望在於D麵腍晒身。2. 明太子沙律 / 蟹籽沙律：鐘意蟹籽多D，咬落去卜卜口感，所以要蟹籽沙律，細細一兜仔，夠我哋一人一啖，味道都係咁啦！3. 牛油炒草菇：又係細細碗，不過草菇細細條，炒埋都有幾多，但係似乎牛油味唔係好夠，唯一係覺得佢好夠鑊氣！依度D師傅都有用中式鑊哩炒嘢。4. 蝦餃子 / 餃子：餃子又係佢哋人氣嘅推介，貪人嘅我梗係要蝦餃子啦，一客有5隻，而且每隻餃子用原隻草蝦哩整，賣相幾討好架，皮都好薄，可惜上枱時唔多夠熱辣辣，扣咗好多分！5. 炸蠔 / 刺身：想試炸物，睇睇佢哋做成點，
1. 咖喱飯 / 牛扒飯 / 鰻魚飯 / 普通拉麵：任揀兩款，之前朋友話個咖喱飯得好少，鰻魚飯就好正，所以要咗鰻魚飯同普通拉麵。個鰻魚飯果然正喎，燒得油潤甘香，珍珠米粒分明好咬口，反而個拉麵就少少失望，其實佢係普通嘅叉燒拉麵，豬骨湯底，失望在於D麵腍晒身。
2. 明太子沙律 / 蟹籽沙律：鐘意蟹籽多D，咬落去卜卜口感，所以要蟹籽沙律，細細一兜仔，夠我哋一人一啖，味道都係咁啦！
3. 牛油炒草菇：又係細細碗，不過草菇細細條，炒埋都有幾多，但係似乎牛油味唔係好夠，唯一係覺得佢好夠鑊氣！依度D師傅都有用中式鑊哩炒嘢。
4. 蝦餃子 / 餃子：餃子又係佢哋人氣嘅推介，貪人嘅我梗係要蝦餃子啦，一客有5隻，而且每隻餃子用原隻草蝦哩整，賣相幾討好架，皮都好薄，可惜上枱時唔多夠熱辣辣，扣咗好多分！
5. 炸蠔 / 刺身：想試炸物，睇睇佢哋做成點，就揀咗炸蠔。依個真係唔錯，粉漿係炸物嘅靈魂，佢哋都做得夠薄，蠔相信都夠新鮮，因為蠔味都幾突出，一客仲有成4件添，無揀錯。
6. 串燒 / 燒魷魚：輪到個燒物，三心兩意添，因為想食串燒雞翼雞軟骨，但又見隔離枱嘅燒魷魚好正咁，卒之要咗後者，因為原條魷魚燒，好大條，平時都好少食。配照燒汁哩燒，好夠味，最重要係D魷魚咬落唔韌，唔錯！唔錯！
7. 飲品有果汁酒、汽水同啤酒，唔使講，貪新鮮梗會試吓D果汁酒啦，一罐白桃味，一罐巨峰味（即係提子），矮矮細細咁一罐，酒精度唔高，易入口，貪過癮不妨一試，味道就一般，個人覺得白桃好過巨峰！
其實話就話2人套餐，我哋3個人食（2女1男），無額外加嘢都夠喎，點都叫食日本嘢，有拉麵有飯、又有燒物、炸物……平均每人都係$83（用埋9折扣優惠），你話抵唔抵喇！整體質素都唔錯架，只不過，講味道好似個拉麵咁，又真係未至於好似「蔡sen」咁講到全港最好食嘅北海道拉麵。佢標榜最正宗北海道拉麵，小弟未去過北海道，就算去過亦未必知點為只最正宗，但係都明白食嘢好個人化嘅，有人鐘意食爽口嘅蘋果，點知又有人鐘意食「粉」嘅蘋果，總之食得開心就得啦！
張貼
