影片
更多
2019-07-09
100 瀏覽
日本菜就試得多，法國餐廳香港都有好多，但係做fusion菜既餐廳唔多，做得好嘅更加少啦，今次要同朋友慶祝生日，就揀咗呢一間日法fusion食fine dining 既餐廳，一入到去就比佢入面既裝飾吸引左，裡面用左唔同既捕夢網去裝飾，而枱面上面仲有一個用蒲公英做標本嘅水晶球做裝飾，令到成個氣氛好夢幻，侍應安排左我哋坐低之後呢，就遞上左個Menu，仲同左我哋介紹佢哋有五位創辦人去點解會做呢一間餐廳，佢哋都想用夢呢個主題去創造食物，帶比客人喺夢入邊尋找美食。我同朋友都揀左「6 shades of Flavour」，其中有兩款係surprise dish，侍應話嗰兩個特別嘅菜式係主廚想俾個驚喜客人，用當時得令嘅食材創造一啲令到客人有驚喜嘅菜式。前菜 Cream cheese pancake, DIY bread and butter首先上既係pancake小點，外形小巧，食落陣芝士味濃，而且煙肉好香。之後再上既就係由一個麻布袋裝住既自家制麵包同牛油，仲keep住暖暖地,牛角包酥脆軟熟，另一款就有蒜香，點埋好香既牛油一齊食，味道好夾！主菜1.Pan Seared Hokkaido Scallop
我同朋友都揀左「6 shades of Flavour」，其中有兩款係surprise dish，侍應話嗰兩個特別嘅菜式係主廚想俾個驚喜客人，用當時得令嘅食材創造一啲令到客人有驚喜嘅菜式。前菜
Cream cheese pancake, DIY bread and butter
首先上既係pancake小點，外形小巧，食落陣芝士味濃，而且煙肉好香。
之後再上既就係由一個麻布袋裝住既自家制麵包同牛油，仲keep住暖暖地,牛角包酥脆軟熟，另一款就有蒜香，點埋好香既牛油一齊食，味道好夾！
Cream cheese pancake, DIY bread and butter
1 瀏覽
0 讚好
0 留言
1.Pan Seared Hokkaido Scallop
第一道菜就係烤北海道珍寶帶子,侍應話個帶子係7成熟,而面頭係三文魚子，而上面既汁係用左芥末同檸檬去調味，貝殻下面放既係開心果仁碎再加竹炭條，旁邊既蟹仔係用左醬油蟹既做法。
我地先食帶子，帶子有彈性，加埋三文魚子有啲咸甜感，而下面果仁粉暖暖地既，非常香，食落又唔會太乾涸，而竹炭條好似曲奇咁既味道，蟹仔有種咸香，脆卜卜，好似小零食咁，易入口。
Pan Seared Hokkaido Scallop
2 瀏覽
0 讚好
0 留言
Pan Seared Hokkaido Scallop
2 瀏覽
0 讚好
0 留言
第二道由廚師即席創作，外型用左龍蝦殻去裝飾，原來裡面係一道用左松葉蟹制成既蛋沙律。旁邊用左水蜜桃同野莓汁做點綴，侍應教我地可以試下沙律既原味，再加上旁邊既醬汁一齊食。蛋沙律既面頭有水蜜桃的果粒，同埋d松葉蟹肉一齊食，好清新，微微既酸甜味，非常開胃！
Surprise dish松葉蟹蛋沙律
1 瀏覽
0 讚好
0 留言
第三道菜就係用左波士頓龍蝦既蝦尾黎慢煮，係蝦上面係芥末既奶油汁，下面既醬汁就係三椒汁，分別用川椒，青胡椒同黑胡椒製成。而蝦頭上面既泡沫係分子料理打既菠菜泡沫，左手係炸香既山葵菜，右面係新鮮既青胡椒(唔建議食，因為比較辣)。龍蝦肉質好爽口，加埋醬汁有微辣醇厚既口感，加埋菠菜泡層次又多左變化，好似有陣牛油香味，夾埋旁邊既山葵菜有啲回甘。
Lobster Tail
7 瀏覽
0 讚好
0 留言
第四道菜就係慢煮既日式磯燒鮑魚，侍應先係石春上放上鮑魚，然後係石春上淋上玫瑰露，形成左一道藍光，觀感非常吸引，再等鮑魚吸收左玫瑰露酒既香味，再將鮑魚放落昆布高湯到上碟，鮑魚咬落好冧好入味，而且高湯既咸度剛剛好，好配合到鮑魚既鮮味。
Surprise dish日式磯燒鮑魚
5 瀏覽
0 讚好
0 留言
Surprise dish日式磯燒鮑魚
4 瀏覽
0 讚好
0 留言
而第五道就係日本生魚片等級既鱈魚，底下係蕃茄沙司，用左切碎左既紅蔥頭去配搭，同埋藏紅花蛤蜊奶油醬一齊食，帶出到魚肉滑溜，並帶有魚油香。
Japanese Cod Fish
7 瀏覽
0 讚好
0 留言
而第六道菜就係鹿兒島A4級牛柳再加牛肝菌炒雜菜，雞油菌蘑菇黎炒雜菜有唔同口感，有啲脆脆地既野，而且好嫩既有豆苗好驚喜。
至於牛柳既肉質係好軟好稔，點左松露和牛牛肉汁都唔會比佢搶左味，睇起黎生，但食落完全接受到，唔會有血，好有牛味。
Kagoshima(+$198)
6 瀏覽
0 讚好
0 留言
甜品有兩款選擇，我地想食哂，就要求要兩款不同既，分別係Chocolate Trio同Coconut Sweet。
Chocolate Trio
姐係朱古力三重奏，分別用左朱古力豆既製作過程去區分，由朱古力豆去磨成碎粒，再變成粉既過程，第一個係榛子朱古力凍糕，上面係朱古力雪糕黎，第二個係朱古力香蕉蛋糕，估唔到甜甜既香蕉同帶有少少甘味既朱古力又幾夾，最尾係法國朱克力牛奶，70度濃郁既朱古力奶，飲落好sweet好幸福。
Chocolate Trio
10 瀏覽
0 讚好
0 留言
Chocolate Trio
3 瀏覽
0 讚好
0 留言
另外一碟甜品，主要既有三層味道組成，有朱古力椰殼，椰絲慕絲，同黑朱古力，朱古力既味道中夾雜椰子既清新，食落仲有椰絲有趣既口感，好有層次。另外仲有蛋糕同白朱古力粒，柚皮，藍莓之類係外圍，其中白朱古力既口感最有趣，入口即化，好似糖霜粒咁，成個甜品都好似一次對舌頭既未知挑戰！
Coconut Sweet
5 瀏覽
0 讚好
0 留言
食完甜品當然有小許茶點同茶作結啦，我同朋友分別點左Breakfast tea 同Earl grey 茶，再配搭左提子乾曲奇同菠蘿乾朱古力，曲奇好厚實，好香肉桂味，而菠蘿既酸甜因為變左乾更加突出，配合低調既朱古力好新鮮
Mignardises & Coffee or Tea
1 瀏覽
0 讚好
0 留言
張貼
