金牌小龍 (已結業)

近排放寬限聚令，同朋友係尖沙咀臨時有飯局，搵到間唔洗排隊又性價比不錯的上海菜餐館。例牌都係小籠包、雞絲粉皮、排骨炒飯依D門檻菜式，另外中叫左個生煎包試下。最驚喜係排骨蛋炒飯，炒飯粒粒分明，配料均勻，油份剛好，豬扒新鮮口感不錯；與眾多知名連鎖店能夠一較高低。生煎包$40 4隻咁既份量下次寧願叫多籠小籠包，可以一啖食哂，餡料有啲少。蟹粉小籠包中規中矩，略嫌味道不夠。雞絲粉皮最失望，醬料苦澀味偏重，粉皮較粗厚身。