影片
更多
2011-09-18
9 瀏覽
我哋一路掃街去到千色店, 見到呢間Gelato店, 門口姐姐親切有禮, 笑容可掬, 任試唔嬲. 記得前幾日報紙介紹過, 推介吉士撻, 咪坐低試下囉.叫咗: 黑朱古力雪糕配吉士撻 $29.00--黑朱古力雪糕有好濃嘅朱古力味, 唔太甜, 有少少甘苦, 對於係朱古力精嘅我, 簡直係極品, 正! 曲奇脆脆雪糕配吉士撻 $29.00--曲奇脆脆雪糕好香好滑, 唔太甜. 吉士撻嘅吉士醬好滑, 撻皮好鬆化, 加埋雪糕三樣一齊"畢"入口, 好味到難以形容, 正呀!食完吉士撻之後, 雖然已經好飽, 但心思思想試埋佢嘅朱古力奶昔. 幾大就幾大啦, 食咗先算. 問老公有無興趣, 佢話對奶昔麻麻地, 最多幫我飲一啖喎. 咁咪叫杯細囉$20.00, (唔要面頭啲CREAM, 感覺上無咁肥, 自欺欺人). 點知老公試咗一啖就話好正, 有好濃嘅朱古力味, 又夠杰, 唔會水汪汪, 飲完一啖又一啖, 早知叫大杯啦, 爭四蚊咋!我哋一路坐喺門口啲枱櫈度食, 今晚天氣尚可, 有微風. 但如果喺悶熱嘅日子就真係....... 仲有成日有人企喺隔離食煙, 都幾難頂. 如果間店大啲, 可以入內慢慢嘆咁美味嘅甜品就PERFECT
記得前幾日報紙介紹過, 推介吉士撻, 咪坐低試下囉.
叫咗:黑朱古力雪糕配吉士撻 $29.00--黑朱古力雪糕有好濃嘅朱古力味, 唔太甜, 有少少甘苦, 對於係朱古力精嘅我, 簡直係極品, 正!
曲奇脆脆雪糕配吉士撻 $29.00--曲奇脆脆雪糕好香好滑, 唔太甜.
吉士撻嘅吉士醬好滑, 撻皮好鬆化, 加埋雪糕三樣一齊"畢"入口, 好味到難以形容, 正呀!
食完吉士撻之後, 雖然已經好飽, 但心思思想試埋佢嘅朱古力奶昔. 幾大就幾大啦, 食咗先算. 問老公有無興趣, 佢話對奶昔麻麻地, 最多幫我飲一啖喎. 咁咪叫杯細囉$20.00, (唔要面頭啲CREAM, 感覺上無咁肥, 自欺欺人). 點知老公試咗一啖就話好正, 有好濃嘅朱古力味, 又夠杰, 唔會水汪汪, 飲完一啖又一啖, 早知叫大杯啦, 爭四蚊咋!
我哋一路坐喺門口啲枱櫈度食, 今晚天氣尚可, 有微風. 但如果喺悶熱嘅日子就真係....... 仲有成日有人企喺隔離食煙, 都幾難頂. 如果間店大啲, 可以入內慢慢嘆咁美味嘅甜品就PERFECT喇.仲有一張印花卡, 姐姐話印滿8個就下次買單球可升級做雙球, 印滿全張16個就免費送單球.
張貼
