泰傳奇 (已結業)

特登過嚟九龍灣展貿睇傢俬同埋裝修，懶得出去再搵所以睇吓有咩好食，行過門口有個好熱情嘅侍應哥哥介紹話呢度嘅海鮮喇沙好好食，同埋個火車頭炒飯都好正，所以就比佢吸引到入咗去坐喇我哋根據佢嘅指引order左一個海鮮喇沙米線同埋一個火車頭扎肉炒飯，再+$8 有杯特飲，一杯椰汁冰同埋一杯珍多冰，椰汁味好濃郁（掛住飲唔記得影相）跟住到我哋好期待嘅海鮮喇沙米線，個湯底好濃郁有椰奶香同埋唔係好辣，除咗有喇沙必備嘅豆卜之外，好足料有兩隻大大隻青口仲有蝦🦐，哥哥仔真係冇介紹錯個炒飯就不過不失正正常常，最正係真係冇加一嘅。