皇室冰廳 (已結業)

之前朋友介紹咗我去一間幾有香港風味特色嘅冰廳食晚飯，就係呢一間喺長沙灣嘅皇室冰廳啦！呢間餐廳嘅環境裝修比較簡單，真係好有香港嘅風味！但係食物質素絕對係有保證！今次就叫做佢哋嘅招牌鮮茄焗豬扒飯！呢個焗豬扒飯真係好大份，用炒飯底非常有誠意！而且上面嘅蕃茄亦都係酸酸甜甜，非常開胃！再加埋厚切嘅豬扒，真係食落去非常滿足！另外仲叫咗一份魚香茄子煲！呢一度嘅魚香茄子煲亦都係份量好足！魚香嘅味道非常豐富，上面嘅肉碎再加埋茄子一齊食，口感同埋味道都好好！茄子亦都煲到好林！好入味！