8鍋臭臭鍋 (金巴利道) (已結業)

對我嚟講食火鍋係一件無分季節性嘅事～今次嚟到位於尖沙咀嘅「8鍋臭臭鍋」，呢度有幾款湯鍋底選擇，可滿足不同人嘅口味，而每款湯底搭配嘅食材亦都唔一樣🙈臺式麻辣鍋係店內招牌湯底，唔知叫咩嘅話叫佢就唔會出錯，作為經典中嘅經典湯底，試得出係用藥材熬出嚟嘅‼️麻辣湯底濃郁飄香，唔會死鹹死辣而係好有內涵。材料有麻辣餃、魚蛋、鴨血、沙白、魷魚圈等👏最特別係老油條，放湯入面浸幾秒，吸滿湯汁半脆半淋咁口感好豐富，加麻辣湯真係無敵～另外有王子麵，口感偏彈牙偏硬，煮一陣就已經好入味，相當不錯呢！沙茶牛肉鍋作為廚房必有嘅調味料之一，沙茶醬嘅有幾香眾所皆知。一鍋上枱滿滿嘅材料，好快就聞到濃濃嘅沙茶醬香味，咕嚕咕嚕滾起太濃郁了～內裡有牛肉片、米血糕、豆皮花枝卷、墨汁貢丸、甜不辣等多款配料，有咁惹味嘅湯底，襯吸汁力強嘅配料嘅粉絲就最好，獨有嘅醬香令湯底越滾越香口✨士林鹽酥甜不辣（加梅粉）魚漿製成嘅甜不辣炸得乾身及脆口（脆到好似餅乾咁）加上梅子粉，味道瞬間提升，酸酸甜甜咸咸咁，將甜不辣嘅香氣加倍地釋放出嚟，仲一啲都唔油膩添～QQ地瓜球出面軟軟糯糯的，咬落去絕對唔係空心，係好紮實嘅地瓜蓉，味道好溫和，輕微嘅甜度恰到好處，推