影片
更多
2024-07-07
1413 瀏覽
印度菜各位素友應該食唔少啦，今次帶大家去到位於中環 Ovolo Central 酒店入面嘅 VEDA，係一間素食印度餐廳。🇮🇳今次真漢子試咗一款小食，mocktail，同埋重點推介佢哋嘅 tasting menu （$398 一位）。👅🍞 Chill Cheese Toast一咬入口，啲芝士味超濃郁，多士用咗五穀吐司，非常香脆。初初食落唔覺得辣，以為係普通多士，但啲辣係慢慢先滲出嚟，好正好刺激。🥵佢比咗一兜茄汁，我想講係冇用，因為個多士嘅芝士超好味，你唔會想加任何醬汁落去破壞佢。😅🍸 Let's see由於真漢子戒咗酒所以叫咗呢杯 mocktail 。而全個 drink menu 大部分都係有酒精嘅，如果唔飲酒嘅朋友，除咗 mocktail 都可以叫果汁或者汽水。唔記得影 drink menu 所以唔肯定成份同價錢，飲落有啲芒果味，但又唔會太甜，食印度菜叫定杯飲品用嚟解辣是必需的。😀以下係 tasting menu 嘅嘢食：🟠 Unlimited Pani Puri見到好多個波波，有啲餡料同汁咁，點食㗎？好亂呀 🌀。為免出醜我就請教咗店員妹妹教我點食。妹妹教我係用隻匙羹敲爛個波波，填啲
今次真漢子試咗一款小食，mocktail，同埋重點推介佢哋嘅 tasting menu （$398 一位）。👅
🍞 Chill Cheese Toast
Chill Cheese Toast
29 瀏覽
0 讚好
0 留言
一咬入口，啲芝士味超濃郁，多士用咗五穀吐司，非常香脆。初初食落唔覺得辣，以為係普通多士，但啲辣係慢慢先滲出嚟，好正好刺激。🥵
佢比咗一兜茄汁，我想講係冇用，因為個多士嘅芝士超好味，你唔會想加任何醬汁落去破壞佢。😅
🍸 Let's see
Let's see
28 瀏覽
0 讚好
0 留言
由於真漢子戒咗酒所以叫咗呢杯 mocktail 。而全個 drink menu 大部分都係有酒精嘅，如果唔飲酒嘅朋友，除咗 mocktail 都可以叫果汁或者汽水。唔記得影 drink menu 所以唔肯定成份同價錢，飲落有啲芒果味，但又唔會太甜，食印度菜叫定杯飲品用嚟解辣是必需的。😀
以下係 tasting menu 嘅嘢食：
🟠 Unlimited Pani Puri
Unlimited Pani Puri
42 瀏覽
1 讚好
0 留言
見到好多個波波，有啲餡料同汁咁，點食㗎？好亂呀 🌀。為免出醜我就請教咗店員妹妹教我點食。妹妹教我係用隻匙羹敲爛個波波，填啲餡入去，再倒啲汁食。
由於我自己一個人拍唔到呢個過程，就叫妹妹幫我示範一次，佢超 nice 百忙之中都肯答應我咁無理嘅要求 😂。我先發現原來正宗係用手整穿個波波嘅，同埋妹妹係倒到成個波波都係汁，因為個汁係辣嘅 mint coriander 汁，成口都又酸又辣真係刺激到難以形容。而餡料入面除咗鷹嘴豆好味之外，有啲石榴粒粒咬到口內爆汁，都真係生色不少。👍🏻
🥟 Spinach and Ricotta Momo
Spinach and Ricotta Momo
8 瀏覽
0 讚好
0 留言
兩大隻嘅 momo，餡料有菠菜同 Ricotta cheese ，點一種芥辣色嘅醬汁食，其實係蕃茄酸辣醬嚟嘅。🍅
🧀 Paneer Tempura
Paneer Tempura
48 瀏覽
0 讚好
0 留言
切到一口大小嘅炸芝士粒，冇想像中咁香口惹味，但慢慢咀嚼會食到芝士本身嘅原味道，如果飲酒嘅朋友用嚟送酒係幾好嘅選擇。
🥔 Aloo Paratha
Aloo Paratha
49 瀏覽
0 讚好
0 留言
薯仔烤餅，配 Labneh 乳酪，同印度醃菜食。唔好睇少呢個醃菜，佢係紅蘿蔔同芒果製成，但食落係非常酸，所以初初食唔好太進取，適應咗之後就可以慢慢加多啲，都幾過癮嘅。🤭
🍕 Masala Poppadum
Masala Poppadum
12 瀏覽
0 讚好
0 留言
就係平時比較常食到嘅印度薄脆小食，上面有啲香草，蕃茄粒同洋蔥粒，都係少少辣嘅。呢個唔使點醬，就咁食都好香口。
🍛 Pav Bhaji
Pav Bhaji
37 瀏覽
0 讚好
0 留言
食咗咁多嘢，先發現未食個 main 喎 ，仲諗住埋單添 🤣。我揀咗呢個 Pav Bhaji，原來係一種印度街頭食品嚟嘅，有薯仔蔬菜咖哩，入面有啲豆，香草蒜蓉牛油包加啲 pickle onion 再點咖哩嚟食。頭先食咗好多嘢食冇預佢係辣但係好辣，反而呢個咖哩係完全唔辣個喎，真係一個古惑的 tasting menu 。🤡
🍫 70% Valrhona Chocolate Mousse
70% Valrhona Chocolate Mousse
334 瀏覽
0 讚好
0 留言
食到咁飽，好彩有個甜品幫助消化啫。呢個甜品係 vegan 㗎，朱古力非常之濃郁，上面加咗啲杏仁粒，除咗好食之外，佢個份量以跟餐甜品嚟講都真係非常慷慨。😄
呢個 tasting menu 四百蚊度有咁多嘢食，我覺得唔止唔貴仲幾抵，因為基本上可以當自助餐咁食，但啲嘢就更有質素同有特色。雖然佢位處中環，但餐廳比我感覺冇話好拘謹，店員都好好服務同好親切，所以真漢子推薦大家可以去試下。留意返佢哋星期一同日係收下晏 4 點嘅，其他日子就開到晚上 10點半。😊
張貼
