影片
更多
2020-10-04
521 瀏覽
大家唔好以為我好似日日出去食飯好富貴咁，其實只係我之前食過嘅餐廳一直都冇時間好好咁整理，而咁啱最近放緊假，所以就想盡量分享多啲，希望大家都有興趣睇我嘅食評啦 ！相信大家都知道九龍城係一個好出名食泰國菜嘅地方，我自己曾經都係九龍城工作過一段好短嘅時間，所以都對附近嘅餐廳有少少熟悉，之前就有特登同屋企人去嗰邊食一間泰國菜覺得都好好味所以想同大家分享吓。呢間泰國菜並唔係一般嘅連鎖店，一睇佢個門口就已經知道佢係小本經營，連佢啲員工都應該貌似係泰國華僑或者泰國人，再加上佢哋嘅裝修會令到你真係覺得去咗泰國嘅感覺！呢間餐廳嘅價錢定位一啲都唔貴，好多餸菜都係$100以下，而且全部餸菜都熱辣辣送上嚟，有啲嚟到面前直頭出緊煙！我自己最最最推介嘅係佢嘅炸蝦餅，粒粒都脹卜卜，咬落去仲食到好多蝦肉嘅感覺，真係好滿足！泰國煎蠔餅既用料一啲都唔吝嗇，有勁多蠔仔，佢用個鐵板送上嚟嗰陣連隔離枱都望到嘩嘩聲㗎！佢既鎮店之寶應該係南瓜咖喱軟殼蟹，基本上大部份枱都叫咗一份，佢嘅咖喱係放喺一個原隻南瓜入邊，咖喱入口比較甜，再加上南瓜肉嘅味道，感覺上真係好似食緊甜品咁，我平時好少食南瓜嘅都忍唔住食，軟殼蟹反而就比較普通，但係入口
相信大家都知道九龍城係一個好出名食泰國菜嘅地方，我自己曾經都係九龍城工作過一段好短嘅時間，所以都對附近嘅餐廳有少少熟悉，之前就有特登同屋企人去嗰邊食一間泰國菜覺得都好好味所以想同大家分享吓。
呢間泰國菜並唔係一般嘅連鎖店，一睇佢個門口就已經知道佢係小本經營，連佢啲員工都應該貌似係泰國華僑或者泰國人，再加上佢哋嘅裝修會令到你真係覺得去咗泰國嘅感覺！呢間餐廳嘅價錢定位一啲都唔貴，好多餸菜都係$100以下，而且全部餸菜都熱辣辣送上嚟，有啲嚟到面前直頭出緊煙！
我自己最最最推介嘅係佢嘅炸蝦餅，粒粒都脹卜卜，咬落去仲食到好多蝦肉嘅感覺，真係好滿足！泰國煎蠔餅既用料一啲都唔吝嗇，有勁多蠔仔，佢用個鐵板送上嚟嗰陣連隔離枱都望到嘩嘩聲㗎！佢既鎮店之寶應該係南瓜咖喱軟殼蟹，基本上大部份枱都叫咗一份，佢嘅咖喱係放喺一個原隻南瓜入邊，咖喱入口比較甜，再加上南瓜肉嘅味道，感覺上真係好似食緊甜品咁，我平時好少食南瓜嘅都忍唔住食，軟殼蟹反而就比較普通，但係入口都酥脆嘅。
另外我哋嗌左個海鮮濕炒河，呢度值得一提嘅就係我發覺九龍城大部份泰國菜館如果買河粉嗰陣佢哋真係會俾返泰國方形冇切過嘅炒河粉俾你，呢個亦都係一個我好鍾意喺九龍城食泰菜嘅原因，因為呢一隻河粉真係好滑！至於臘肉炒芥蘭我覺得都唔錯嘅，如果要彈嘅話我就會覺得佢嘅飲品除咗泰式奶茶之外其他都比較遜色，不過對於我來講，我覺得呢間小店嘅性價比真係好高，絕對有再幫襯嘅動力架！
張貼