影片
更多
2019-11-12
255 瀏覽
今個星期係朋友嘅生日，岩岩出左糧就一於食好啲，今次就比左驚喜佢，一早就book左係尖沙咀食omakase。餐廳好有日本風格，仿如致身於日本一樣，我地安排坐左係吧枱，可以一直睇住日本師傅一道道菜整出黎。Omakase有一個好處就係帶比我地每個人有驚喜，師傅為我地準備最時令嘅日式美食。先黎嘅係前菜為今次嘅豪華之旅揭開新一頁，冷盤八爪魚，每隻八爪魚仔沾上秘製醬汁，醬汁甜甜地帶有酒香，八爪魚仔好爽甜，兩者係絕配，令我地胃口大開。茶碗蒸，唔好睇少呢一道看似平平無奇嘅平民菜式，整得好味之餘仲要令食客留下深刻印象就真係唔容易。蛋蒸得好滑溜仲有好清香嘅高湯味，入口即溶，蛋入面仲有豐富嘅配料，包括:雞肉、蝦、蟹肉、香菇等等，將精華濃縮係蒸蛋到，味道非常豐富。之後就到重頭戲-刺身，包括左：櫻花鯛、拖羅、深海池魚，由味道輕至深去品嚐，先食櫻花鯛，爽脆口感非常肥美，肉質豐腴，入口油香豐富。拖羅係吞拿魚腩最肥美嘅部位，大受歡迎唔係無理由，入口帶魚油香，肉質油潤而軟滑，入口即溶，後勁帶有甘香。深海池魚入口質感爽脆，非常鮮甜，口感豐富，魚味突出。新鮮嘅刺身只要加上少少壽司醬油就能否更加提出鮮味。每一道菜都好似一道藝
餐廳好有日本風格，仿如致身於日本一樣，我地安排坐左係吧枱，可以一直睇住日本師傅一道道菜整出黎。Omakase有一個好處就係帶比我地每個人有驚喜，師傅為我地準備最時令嘅日式美食。
先黎嘅係前菜為今次嘅豪華之旅揭開新一頁，冷盤八爪魚，每隻八爪魚仔沾上秘製醬汁，醬汁甜甜地帶有酒香，八爪魚仔好爽甜，兩者係絕配，令我地胃口大開。
茶碗蒸，唔好睇少呢一道看似平平無奇嘅平民菜式，整得好味之餘仲要令食客留下深刻印象就真係唔容易。蛋蒸得好滑溜仲有好清香嘅高湯味，入口即溶，蛋入面仲有豐富嘅配料，包括:雞肉、蝦、蟹肉、香菇等等，將精華濃縮係蒸蛋到，味道非常豐富。
之後就到重頭戲-刺身，包括左：櫻花鯛、拖羅、深海池魚，由味道輕至深去品嚐，先食櫻花鯛，爽脆口感非常肥美，肉質豐腴，入口油香豐富。
拖羅係吞拿魚腩最肥美嘅部位，大受歡迎唔係無理由，入口帶魚油香，肉質油潤而軟滑，入口即溶，後勁帶有甘香。
深海池魚入口質感爽脆，非常鮮甜，口感豐富，魚味突出。新鮮嘅刺身只要加上少少壽司醬油就能否更加提出鮮味。
每一道菜都好似一道藝術品，吞拿魚卷上魷魚，上面加上金箔作點綴，看似名貴，味覺上嘅回憶更為難忘，口感豐富，爽口彈牙，兩者鮮甜帶來味覺衝擊。
北海道厚切鮑魚刺身，配上秘製鮑魚汁，增添鮮味，入口煙韌鮮甜，散發陣陣清香。
食完之後師傅會放上壽司飯配上秘製鮑魚汁食，鮮味無窮。
Omakase中包含六款手握壽司，一系列時令海鮮食材呈現於見前，鮮味大爆發，由清香鮮味至濃味慢慢昇華，令之後嘅菜式唔會被前一道食材遮掩左味道。
九洲鱸魚配上秘製壽司醬油，入口鮮甜可口帶有魚油香；飯粒帶有黏性同Q彈，軟硬適中。
鯖魚中配上蔥粒同薑末，配搭恰到好處，鯖魚味道較為清淡但配上蔥粒同薑末，令味道更為濃烈，帶來不一樣的味覺衝擊。
深海池魚腩肉質細緻爽口帶油香，相當肥美，食左之後口腔仍然充斥住濃郁嘅鮮味。
藍鰭吞拿口感豐富肥美，入口帶有濃郁魚油芳香。
赤貝味道鮮美，口感爽脆不油膩，帶有濃厚海洋鮮味。
火灸廣島蠔壽司就好考師傅嘅功力
外面燒得焦香，鎖住鮮甜原汁風味，用手接住壽司之後一啖“啪”落口，廣島蠔飽滿肥美，味道甘香，非常滿足。三文魚子海膽杯好似一個藝術品，上面放滿海膽再加入三文魚子作點綴
海膽creamy中帶有鮮甜味，飯粒中加上海膽同三文魚子，啖啖滿足感，鮮味瞬間爆發。
魚湯用魚骨長時間熬煮而成，簡單嘅調味就能夠帶出濃濃魚香味，暖胃又舒服，飲唔停口。
之後以北海道蜜瓜作為完結，北海道蜜瓜非常馳名嘅原因之一就係味道香甜而不膩，入口多汁清甜，另有與眾不同嘅味道。
張貼
