Orange Elephant Thai Restaurant (利奧坊) (已結業)

星期五Happy Friday去左試新餐廳，菜式係泰菜，而地點就係大角咀既Orange Elephant Thai Restaurant ，呢度係由之前博文街搬左過黎新舖位。落單用QR code，餐牌有頭盤，熱湯，沙律，海鮮，肉類，咖喱，飯類，蔬菜，麵類，飲品同甜品。今日第一次黎，點左3道菜同一道甜品分享。泰皇咖喱炒大蝦 $192 另加一泰皇咖喱炒大蝦超大碟！餐牌寫明係兩隻蝦。兩隻蝦連殼真係超大，已經開邊方便食用，似係炸過，所以有炸皮係外圍。個咖喱汁好香同埋甜甜地，完全唔辣，好適合港人口味，咖喱入面有唔少蔬菜，包括燈籠椒，洋葱，葱條。咖喱海鮮脆包盅 $155 另加一呢個咖喱海鮮脆包盅賣相唔錯！首先個咖喱汁同泰皇咖喱炒大蝦個汁一樣香，好好味道，而個包外圍真係脆脆地，配咖喱汁食真係超正，我好鍾意，雖然最後食唔完。海鮮有兩隻連殼青口，兩隻去殼大蝦，少少魷魚，一大舊炸魚等海鮮，而蔬菜就有燈籠椒同洋葱。另外伴有椰菜絲沙律，紅蘿蔔絲，生菜一片同車厘茄。呢道菜式好豐富。冬陰功湯底明爐烏頭魚 $179 另加一烏頭魚大大條，放係個明爐上面滾，魚肉當然有骨，不過好嫩滑，而且好多肉食。個湯唔辣，好清。配菜有