影片
更多
2024-05-03
1401 瀏覽
由於我本身好鍾意食沙嗲牛肉一早聽聞呢一間嘅沙嗲牛肉好出名一直都想去試吓但係由於前段時間餐廳要搬舖停業所以拖到最近先有機會試吓朝早食早餐嘅時候見到門口大排長龍好彩派咗都唔係好耐就入到去食叫咗一個早餐三餸麵招牌嘅沙嗲牛肉、 紅腸煎蛋湯意粉唔怪得咁多人排隊啲沙嗲牛肉真係好好食同好多地方嘅沙嗲牛肉唔同好多地方既沙嗲牛肉一掂到湯啲沙嗲汁就瀉走晒搞到啲沙嗲牛肉冇晒味變咗淋啤啤佢嗰度嗰啲沙嗲牛肉不單止大大塊牛肉唔會過份淋而且沙嗲味道非常之濃郁帶少少甜同埋食得到有花生味而且沙嗲汁夠多落到湯成碗都有沙嗲香味另外， 其實我本身唔係幾鍾意食紅腸但係入到去見到好多人都有叫所以跟住叫佢果到啲紅腸切到好厚比起其他茶餐廳嗰啲生熟面紅腸厚成倍雖然都係紅腸但係我覺得塊紅腸啲肉好實淨同埋冇啲古怪味大大碗到最後食唔晒唯一失策嘅係我唔知道原來碗麵有加三色豆下次再食要叫佢走咗佢⋯⋯凍飲唔使加錢， 埋單$44，抵食！
一早聽聞呢一間嘅沙嗲牛肉好出名
一直都想去試吓
但係由於前段時間餐廳要搬舖停業
所以拖到最近先有機會試吓
朝早食早餐嘅時候
見到門口大排長龍
好彩派咗都唔係好耐就入到去食
叫咗一個早餐三餸麵
招牌嘅沙嗲牛肉、 紅腸煎蛋湯意粉
唔怪得咁多人排隊
啲沙嗲牛肉真係好好食
同好多地方嘅沙嗲牛肉唔同
好多地方既沙嗲牛肉一掂到湯啲沙嗲汁就瀉走晒
搞到啲沙嗲牛肉冇晒味變咗淋啤啤
佢嗰度嗰啲沙嗲牛肉不單止大大塊
牛肉唔會過份淋而且沙嗲味道非常之濃郁
帶少少甜同埋食得到有花生味
而且沙嗲汁夠多
落到湯成碗都有沙嗲香味
另外， 其實我本身唔係幾鍾意食紅腸
但係入到去見到好多人都有叫所以跟住叫
佢果到啲紅腸切到好厚
比起其他茶餐廳嗰啲生熟面紅腸厚成倍
雖然都係紅腸
但係我覺得塊紅腸啲肉好實淨同埋冇啲古怪味
大大碗到最後食唔晒
唯一失策嘅係我唔知道原來碗麵有加三色豆
下次再食要叫佢走咗佢⋯⋯
凍飲唔使加錢， 埋單$44，抵食！
張貼
