影片
更多
2024-12-04
74 瀏覽
最近元朗谷好多人講呢間留港，見個餐廳名咁有心，是晚就黎試下佢。八點來到，小店生意唔錯，得返中間一張大枱，店員好快安排入坐，亦送上qr code落單。⭐濃厚黃咖哩配朝食牛筋腩飯朋友點了咖哩牛腩飯，賣相還不錯。有牛筋、牛腩、薯仔幾大件，炆得軟腍。唯咖哩汁唔夠香口，味道淡左啲，有進步空間。⭐白咖哩忌廉吉列豬扒撈麵自己都點左咖哩系列，係白咖哩忌廉，基本上同咖哩無乜關係，哈哈。豬扒即叫即炸夠香脆👍但醬汁偏淡，公仔麵亦太淋，抵讚係份量極多，唔止比左一個麵餅，超飽肚。⭐碗仔翅跟餐可加細碗仔翅，好多人讚呢樣要試下啦，果然有水準，調味正又夠杰身，仲相當足料😋⭐炸燒賣 & ⭐炸墨魚丸點少得叫啲炸野過下口引，點左燒賣同墨丸，即叫即炸又香又脆，點埋辣椒油正。⭐火龍戰機 & ⭐特濃朱古力有得特別嘅餐廳名，有點少得搞怪嘅特飲呢。自己點咗一杯火龍戰機，朋友就點咗杯Ghirardelli朱古力。前者係火龍果乳酪，紫紫紅紅好好睇，飲落係好重火龍果味嘅乳酸。Ghirardelli中文係咩？😆個朱古力味好香好濃，畀一般茶餐廳真係好飲好多倍。本身仲點咗個忌廉薯餅，不過餐廳話冇貨就取消咗了，好彩冇貨咋，冇估到啲餐點咁大份量，淨
八點來到，小店生意唔錯，得返中間一張大枱，店員好快安排入坐，亦送上qr code落單。
⭐濃厚黃咖哩配朝食牛筋腩飯朋友點了咖哩牛腩飯，賣相還不錯。有牛筋、牛腩、薯仔幾大件，炆得軟腍。唯咖哩汁唔夠香口，味道淡左啲，有進步空間。
⭐白咖哩忌廉吉列豬扒撈麵自己都點左咖哩系列，係白咖哩忌廉，基本上同咖哩無乜關係，哈哈。豬扒即叫即炸夠香脆👍但醬汁偏淡，公仔麵亦太淋，抵讚係份量極多，唔止比左一個麵餅，超飽肚。
⭐碗仔翅跟餐可加細碗仔翅，好多人讚呢樣要試下啦，果然有水準，調味正又夠杰身，仲相當足料😋
⭐炸燒賣 & ⭐炸墨魚丸點少得叫啲炸野過下口引，點左燒賣同墨丸，即叫即炸又香又脆，點埋辣椒油正。
⭐火龍戰機 & ⭐特濃朱古力有得特別嘅餐廳名，有點少得搞怪嘅特飲呢。自己點咗一杯火龍戰機，朋友就點咗杯Ghirardelli朱古力。前者係火龍果乳酪，紫紫紅紅好好睇，飲落係好重火龍果味嘅乳酸。Ghirardelli中文係咩？😆個朱古力味好香好濃，畀一般茶餐廳真係好飲好多倍。
本身仲點咗個忌廉薯餅，不過餐廳話冇貨就取消咗了，好彩冇貨咋，冇估到啲餐點咁大份量，淨係個公仔麵都飽咗九成了，哈哈，而家啱啱好冇浪費😋
張貼
