銀杏館 (已結業)

住喺茘枝角, 想去饒宗頤文化館好耐。終於揾個平日上晝去行下。人少少, 清清靜靜, 睇吓荷花睇吓樹, 感覺良好。入到嚟, 順便試吓銀杏館。好彩一個人, 否則無訂位呢就應該係無位喇!可能係平日, 有特價套餐, 有中式有西式, 夾埋都好似有十零款選擇。套餐包埋沙律吧同餐湯, 另外可加錢要飲品同甜品。我就剩要碗迷你咸蛋义燒飯。沙律吧有生菜、青瓜、蕃茄仔同粟米等, 都幾新鮮。忌廉磨菇湯好濃, 有啲似糊仔!义燒飯雖然係"迷你"版, 對我嚟講就足夠有餘!义燒似日式拉麵嗰啲, 係瘦义, 加埋係糙米飯, 個配搭健康又飽肚。服務價錢同食物我都覺得唔錯，值得支持吓。