大渣哥茶記 (已結業)

睇fb 知道佢地唔再做cwb呢間鋪，本身由佢地係cwb間小食店開始幫襯，小食冇左之後就有機會都去間茶餐廳。聽到個消息就趁機會黎多個下午茶，一直都想會下呢個暴龍西多士。上面係厚厚既美綠粉，中間，係牛油加鍊奶做夾心，切開時佢呢下流心真係睇得好滿足,味道入口又岩岩好，牛油香加少少既甜，幾邪惡架。美中不足係 美綠粉因為西多士太熱，會好快痴埋左，變成一大塊😂 似你買左罐粉走左d氣，所以有一舊舊硬塊係到咁既樣。杯奶茶又滑又香濃 絕對係我杯茶呀。服務好好，又有禮貌價錢又相宜，知道佢地唔做真係有少少失落。 後會有期喇！