TAP - The Ale Project

營業中

休息中

少爺啤旗下嘅TAP，係一間有好多唔同手工啤嘅酒吧餐廳 最啱收工時間去啤啤佢，有得飲酒之餘仲有嘢食👏🏻 嚟到一定會叫返杯少爺啤飲,叫咗杯Hazt IPA同一杯用柚子同山椒釀製嘅酒，兩款都易入口，苦味唔重。黃金薯條🍟有蒜蓉同鹹蛋黃味，我哋揀咗鹹蛋黃，好濃咸蛋黃，推介推介！ 如果兩個人嚟叫一個嚟送酒份量都好多，食極都食唔完，薯條好新鮮熱辣辣，食唔停口炸雞翼配腐乳醬 口感非常之香脆，腐乳醬經過調配反腐乳味唔係話好重，但都不錯👍🏻炸雞吐司🍞佢哋嘅炸物炸得幾好😆，佢個炸雞好食過雞翼，食落去有香草嘅味道，另外兩件吐司上面有一球好邪惡嘅牛油，可以點埋佢嘅糖漿一齊食，鹹鹹地甜甜哋幾特別🫢，不過如果佢個麵包口感鬆軟啲會好食啲😍。白布蘑菇意粉🍝佢哋加咗兩款新菜式，暫時有兩款意粉選擇，有好幾款唔同種類嘅菇，配上松露白汁，掛汁幾好，食落去口感豐富👍🏻。