鶴崎居酒屋 (已結業)

同同事放工近近地黎放空一下心情，呃下自己食左當旅行。呢度環境同服務真係唔錯，絕對可以講係幾享受。崎刺身盛合二人前（海膽、帶子、吞拿魚、油甘魚、赤貝、拖羅、牡丹蝦、三文魚子等等）上壽司盛合，唔洗去日本，絕對高質，刺身盛二人份量呢盤算性價比幾高，賣相正又鮮美，多款又多高質刺身類。露荀豬肉卷，串燒質素高，入口唔會油膩， 因為油香肉香嘅薄薄豚肉裡面係幼嫩露荀，正！蒜燒廣島蠔爆多蒜，蠔肉大大隻好有滿足感。鹿兒島甘薯豚肉鍋加烏冬，配料多，豚肉片到好薄肉味濃，好香豬骨湯底，配上滑滑烏冬，好味又飽肚。北海道刺身丼多飯（吞拿魚蓉、三文魚子、雪場蟹、帶子、油甘魚等等），同刺身盛一樣新鮮，驚唔飽我仲可以揀多飯，掂！