滿記甜品

營業中

休息中

今晚實在太太太開心，好耐冇同朋友仔聚會，係旺角食完飯，去朗豪坊行街，行到腳抽筋，累到一個點，急急腳要揾個地方坐下......行到滿記見又有位拿拿聲即入咗去！🍧好耐冇食過佢嘅糖水呀！杏汁桃膠芋圓$42，平平地又可以潤下喉，桃膠又可以滋潤吓，正！味道方面一D都吾甜好足料，芋圓好有口感煙煙韌韌甘，好好味😋桃膠都幾多架，吾會將價就貨，良心甜品店，抵贊👍白雪仙草芋圓$52好大碗，有芋圓、仙草、紅豆等另外可以選雪糕或芋泥，我哋選左芋泥，芋泥味道好香，食到捧住個肚👏雖然係連鎖式糖水舖，但冇令我失望，足料又大碗！