大滿喜日本料理 (已結業)

今日下晝同朋友仔嚟咗觀塘大滿喜食日式放題，坐底冇耐，首先來呢就係個刺身拼盤。個人唔係太鍾意食刺身，但係都見到依個咁澎湃切得咁靚嘅刺身拼盤，都忍唔嘩左一聲。除左擺盤好靚好用心之外，刺身質素其實都唔錯。試咗幾件三文魚腩，好新鮮，好肥美，唔錯。八爪魚同埋帶子都係好新鮮，好彈牙。呢個拼盤應該係按住你人數而調節份量嘅，當然啦如果係鍾意食某幾樣野，之後就可以再叫。我哋另外都仲叫咗啲熟食，款式有好多款，最好味嘅係燒羊架，仲有焗蠔，其他牛柳粒炒雜菜果Ｄ都唔錯，仲有小火鍋之類嘅，比一般放題水準好嘅，都食得過，就算唔食生冷野嘅朋友，其實都有好多選擇。