緣聚西日餐廳 (西裕街) (已結業)

首先 一入餐廳 環境非常有格調放滿唔同嘅動漫人物 打卡一流枱與枱之間 亦都有充足嘅空間 基本上唔會手撞手 店員亦都十分有禮貌 指示我地用膳嘅詳情呢度 亦可以選擇打邊爐落單方面 scan QR code就得 衛生方便刺身全部都好新鮮 值得一提嘅係 壽司手卷做得好用心 細細舊易入口刺身份量十足 口感豐富 相比起刺身 壽司手卷口感會更好對我黎講 市面上咁多日式放題刺身壽司 就都唔會差太遠 反而熱食先係睇一間放題做得有冇誠意嘅地方 有幾樣都想同大家推薦番滷水雞翼 雖然唔算大隻但食落個陣 就好入味亦都唔會炆得太淋身 鐵板牛柳粒 粒粒都好有牛味時間掌握得好好 唔會乾 又香噴噴非常有大排檔嘅質素飲品方便酒精類 汽水 果汁 茶類都有 種類十分十分多另外都罕見有水吧飲品 黑牛白牛都有 而榴連炸彈 就係全日覺得最有驚喜嘅甜品 大大粒 外脆內軟 基本上一食就成口榴連我足足叫左四份食 哈哈 雪條方面 佢地竟然有 藍鐵神同孖條 係細細個先食過嘅野，非常有心思 如果都中意懷舊嘅朋友仔 唔好走寶總括 價錢其實同市面上差唔多但質素完全唔輸蝕 環境好坐好多打卡又得 服務都好好食物有心思 有誠意 亦都有懷舊嘅風味 呢