LAB10 (裝修中)

之前去咗食燒肉 揀咗朗豪坊嘅LAB 10 聽講呢度主打係無煙韓燒 所以好想試吓係咪真係食完之後 會完全冇油煙味呢裝修係幾特別嘅 純白色為主 好似實驗室咁今次下午過嚟 揀咗食90分鐘放題 貪佢唔使煩 放題好多嘢可以揀 豬，牛，雞，海鮮都有 仲有其他小食🤩店員會先比一份我哋燒住先 之後再再慢慢喺menu揀其他想食嘅野 份量唔少亦冇漏單情況安格斯牛板腱比較軟熟 韓式燒汁牛排夠惹味 梨汁牛五花油脂平均 多肉汁 韓式豬五花叫咗幾轉 好好食 秘製豬肋骨好惹味熟食同小食都好款 天婦羅魷魚同蝦多士就最推介