築地番本日式放題 (已結業)

去親旺角好似一係食泰國野，一係食放題，今次都唔例外😂朋友話呢到有象拔蚌刺身任食，拉埋我嚟試下掂唔掂，搞到我個減肥計劃又要延期啦😫呢到嘅放題仲搞緊個碳燒祭，但我就無咩興趣。坐低見到有個小蒸鍋，原來仲有蒸汽鍋！😮有幾款海鮮同蔬菜揀～蒸汽鍋好mini，不過都幾得意，一試無妨。我地揀咗肥牛片、章魚花同埋娃娃菜。肥牛就太肥，但肉汁保留晒都okay啦，章魚好大隻幾爽口。最滿意嘅係娃娃菜，食落超清甜👍🏻😚飲品選擇都幾多，同普通放題差唔多。但呢到最好就係Asahi、日本清酒同日本梅酒都係任飲，雖然味道一般，鍾意日本酒嘅話就好抵啦！有個常溫飲品櫃👍🏻甜品櫃，款式唔多，但無櫃門睇落有啲唔衛生😶雪糕唔多，不過糯米糍竟然有榴槤味😂我地每樣刺身叫咗少少，主角象拔蚌食落好新鮮爽口，可以再encore～三文魚同帶子都okay👍🏻清酒煮蜆，好香酒味，不過啲蜆有少少沙。鰻魚炒飯，無咩特別，得鰻魚碎😂壽司幾好味～火灸👍🏻 玉子好甜😋每次都要食黑椒牛柳粒，好入味，煮得幾腍，朋友覺得好食仲叫多咗碟～天婦羅，即炸夠熱，但粉就厚咗少少，如果甜薯唔係天婦羅，就咁食仲正😍串燒無咩味，有待改善。整體而言，個賣點係象拔蚌到，但我覺得其實