敏華冰廳 (德福廣場1期)

營業中

休息中

🔖 西式早餐係好多香港人嘅選擇，除咗一般連鎖兩大快餐店，其實敏華冰廳喺香港亦有好多分店，主打公仔麵早餐 💬 沙茶牛肉公仔麵 拼煎熟雙蛋及歐式軟多士雙蛋嘅份量非常之大，大到鋪滿左大半個碟，比起其他茶餐廳算係幾有心，軟多士呢亦都好香脆，搽埋牛油之後外脆內軟，早餐一定要食返一塊。另外呢沙茶牛肉公仔麵嘅湯底沙茶味好香，餐廳用嘅係出前一丁麵底所以佢嘅索湯程度會比普遍嘅公仔麵好，所以每一條公仔麵都可以吸收到沙茶湯底嘅精華，同埋一碗麵牛肉份量呢都算合理，大概都有7至8塊牛肉，淥得有少少偏老，但係我覺得以普通茶餐廳嘅早餐來講算已經係合格有餘。