阿水廚房 (已結業)

今日下午五點幾經過阿水廚房，見到落左半閘，以為已經休息，原來唔係...食物主要係小食類，本來想買炸雞比但已賣晒。結果我叫左杯救命茶（$18，細）及一口肉桂西多士（煉奶）（$18）何謂救命茶？原來係黑糖冬瓜茶，我叫左少冰，甜度都適中，而且飲到冬瓜蓉，夠晒真材實料。至於一口西多士，$18一份感覺有啲貴。可以揀煉奶或者糖漿，我揀咗前者。西多士即叫即炸，可惜麵包太淋了，外皮亦唔夠脆，面頭嘅玉桂粉味道好重，我唔太鍾意玉桂味。阿水廚房，老闆係前藝人，我估有一定嘅號召力。可惜食物定價甚高，而且水準一般。不過杯救命茶好有誠意，值得推介。