新泰東南亞餐廳

營業中

休息中

聽同事講呢間泰式餐廳好味又唔貴，於是就拉埋係附近返工既朋友仔黎食下野，傾下計。香芒軟殼蟹米紙卷軟殼蟹唔會炸到油淋淋，仲保持到香口既口感，香芒少少甜唔酸。一口一舊，啖啖肉，食落好滿足。鹽焗鱸魚肉身夠滑，又有不少配料做調味，一d都唔腥，不蘸醬都好夠味。再者，d肉同骨好易分開，連我吾鐘意食魚吐骨既fd都大讚。原條上，百幾蚊，咁好食，值得一試。見午巿套餐75蚊，幾抵，所以都叫左個泰式蝦炒金邊粉+綠豆沙冰。泰式蝦炒金邊粉份量不少，配料幾豐富，有蝦仁、芽菜、魚片、花生碎、蔥等……大男人都應該夠食。綠豆沙冰大大杯，充滿綠豆味，甜度唔記得叫少甜，都無話過甜，清熱解辣必叫。雖然餐廳不算超大，但到處都係泰國既感覺。