銘興山西刀削麵 (黃埔新邨) (已結業)

刀削麵係一般麵店比較少見，呢間係黃埔一直都要排隊，所以我一直都未試過。今日紅日，可能大家都捨得使錢食貴野，呢間麵店神奇地唔使排隊。我點既是A021 麻辣豬頸肉 單拼上湯刀削麵套餐。湯底唔錯，唔會過鹹。麵都係親眼見廚師削，唔係整定。 豬頸肉有七至八件，辣油麻多過辣，但我選既中辣已經有譚仔小辣既辣度。至於份量方面，我覺得一般，食完唔算好飽，所以如果唔太肚餓過黎食就啱。店舖小，堂食店員長期望住，都有種無形既壓力，想食快啲。另外，雖然店內有海報寫套餐免費送盒裝檸檬茶，但問過原來一直冇，呢點係比較失望。於是食完再去隔離食碗冰凍豆腐花，解辣一絕。銘興山西刀削麵