Be Leaf (已結業)

一黎到已經被佢裝修格調吸引🤩🤩 店鋪內外都係打卡點，充滿文青氣息，環境舒服，坐足一日都冇問題！甜酸醬烤焗16小時慢煮美國豬肋骨配炸薯條套餐 ⭐️⭐️⭐️⭐️⭐️豬肋骨份量唔細，經過慢煮之後再烤焗，令到豬肋骨表皮香脆，內裡肉質鮮嫩肉滑，輕輕一切已經能夠分開，甜甜酸酸既，十分惹味開胃！而炸薯條脆卜卜，一口接一口，簡直一流🤤香煎帆立貝日式咖喱意大利飯⭐️⭐️⭐️⭐️意大利飯粒粒分明，食落去帶有少少日式咖喱既味道，慢慢地係口腔散發出黎，唔係話好濃烈，要細味品嚐先感覺出咖哩味。帆立貝鮮味香甜，好大粒，唔惹少！自家製焦糖餅咖啡⭐️⭐️⭐️⭐️咖啡本身香醇濃郁，帶有一絲絲奶香。一上台已經食左一粒焦糖餅，香脆焦香，差d就想就咁食曬佢😁當焦糖餅溶落咖啡內，反而令咖啡奶香味更上一層次，伴隨住點點焦糖香氣味。Ocean Paradise ⭐️⭐️⭐️⭐️⭐️清新怡人，甜甜的，同咖啡香醇既口味有別樣既體會。如其名ocean paradise，呈天藍色，感覺好似置身係大海中一般，視覺上享受，打卡一流🤩是日餐湯係南瓜湯，香滑creamy濃稠，帶有淡淡既南瓜香氣。打卡聊天一流！