影片
更多
2018-08-25
101 瀏覽
難得收工過黎旺角朗豪坊血拼，首要任務要醫好個肚先! 見到開左間新韓燒餐廳，好似好受歡迎咁，於是就試下啦! 佢門口有個beverage counter , 賣埋果汁同smoothies。餐廳設計特別，有別於一般既韓燒餐廳咁，偏向白色為主同似係自修室既設計，而且地方夠闊落，燈光充足，坐落好舒服，同時佢地牆上都會有D簡單有趣既英文字句!Menu上都有各種唔同款色的肉類可供選擇，另外亦有其他韓國特色的食物，坐低之後，店員遞上總共8頁字的Menu比我地揀，花多眼亂由於最近食肉太多，於是只係揀左一款牛肉同一款豬肉，留肚試下燒肉以外的食物!.三色五花肉 $115顧名思義係三色五花肉，呢款總共有三款特製的醬汁，包括蘋果醬、菠蘿醬同青檸汁。上枱時五花肉已經加上多款醬汁，落去燒果陣，醬汁滲落D五花肉入埋，十分惹味，而且五花肉厚薄切得岩岩好，燒起身好香脆，值得一試!.韓式梨汁牛五花未試過呢款牛肉，感覺好新鮮，牛肉似乎用梨汁醃過，肉質帶有淡淡的甜味，而且成碟牛五花切得好薄，係爐上輕輕燒一燒便已熟透。肉和脂肪分佈平均，口感煙韌，好味道!.韓式牛肉炒粉絲十分喜歡呢道粉絲的味道，粉絲夠哂彈牙，軟硬適中，當中的紅椒，
見到開左間新韓燒餐廳，好似好受歡迎咁，於是就試下啦!
佢門口有個beverage counter , 賣埋果汁同smoothies。
餐廳設計特別，有別於一般既韓燒餐廳咁，偏向白色為主同似係自修室既設計，而且地方夠闊落，燈光充足，坐落好舒服，同時佢地牆上都會有D簡單有趣既英文字句!
Menu上都有各種唔同款色的肉類可供選擇，另外亦有其他韓國特色的食物，坐低之後，店員遞上總共8頁字的Menu比我地揀，花多眼亂
由於最近食肉太多，於是只係揀左一款牛肉同一款豬肉，留肚試下燒肉以外的食物!.
三色五花肉 $115
顧名思義係三色五花肉，呢款總共有三款特製的醬汁，包括蘋果醬、菠蘿醬同青檸汁。上枱時五花肉已經加上多款醬汁，落去燒果陣，醬汁滲落D五花肉入埋，十分惹味，而且五花肉厚薄切得岩岩好，燒起身好香脆，值得一試!.
韓式梨汁牛五花
未試過呢款牛肉，感覺好新鮮，牛肉似乎用梨汁醃過，肉質帶有淡淡的甜味，而且成碟牛五花切得好薄，係爐上輕輕燒一燒便已熟透。肉和脂肪分佈平均，口感煙韌，好味道!.
韓式牛肉炒粉絲
十分喜歡呢道粉絲的味道，粉絲夠哂彈牙，軟硬適中，當中的紅椒，黃叔，青椒及牛肉配搭得相當之好，散發著陣陣的麻油與醬油香。.
韓式海鮮蔥餅 $65
厚薄適中，煎得香脆可口，當中亦到食到原隻蝦同泡菜，不錯不錯.
炸芝士卷 $56
呢款芝士卷似乎用面包包住芝士落去炸，咬落香脆，但芝士味唔算突出，作為一道開胃小食算是不錯!.
Big & Small $35
呢款果汁係以西柚，香橙，蜜糖同生薑整，飲落酸酸地，其中以橙味味道較出，反而生薑味飲唔出，呢杯野飲幾清喝解膩.
整體黎講呢間Lab10夠哂特別，無論係裝修設計上都各有心思，而且佢有別於其他韓燒店鋪食完成陣油煙味，反而呢間食完都無果種油煙味，抽風系統夠強勁! 值得推介!
張貼
