燒味家 (恒富大廈)

營業中

休息中

斬料，斬料，斬大舊叉燒細細個成日聽呢隻廣告歌，係邊間餐廳已經唔記得左了，不過叉燒甜甜地又真係人人愛食。是晚年初四，大人食盆菜，無乜野啱小朋友食，就走去買左盒叉燒。燒味家新開不久，平時耐唔耐有野特價，新春期間就梗係無啦，不過無加價都算係咁。買左一斤，不過呢盒野影相前已被人偷食，又揸到亂哂無哂美感。味道方便幾好，無過甜，有時啲叉燒調味太甜甜到有啲假，呢間個味道調得唔錯，仲有少少玫瑰露香添。Size切得大細適中，一啖一件。半肥瘦幾好，個人覺得可以肥多少少，不過家人偏愛瘦叉多一點，呢個啱佢地口味。