肯德基家鄉雞 (KFC) (已結業)

KFC係幾勤力，經常有新品。今次係醬燒雞，相當吸引。和風醬燒雞餐 $45雞都係有炸既，不過無家鄉雞咁炸。每份餐提供一包原味嘅四洲紫菜，需要自己打開放在雞上邊。要用手禁住，因為係痴唔到上雞面。食雞時一齊連紫菜食，都幾脆嘅。炸皮上塗有酸酸甜甜嘅燒汁，如果可以多汁d就仲好。可能因為無炸太勁嘅關係，雞肉相當嫩滑，就算係雞胸都有肉汁，非常好味。跟餐都係配葡撻，大蘑菇飯同飲品。今次加左3蚊轉杯熱檸水飲，不過都幾少水，但抵讚係檸檬很新鮮。