鮨芸館 (已結業)

今次又去到工廠區搵嘢食，又嚟到荔枝角，不過就去左離地廣場，食餐好既。點了松葉蟹肉沙律， 松葉蟹份量十足， 蟹肉拆得好均勻， 最重要啲菜洗得乾淨， 同夠新鮮，味道不錯。分量供二人享用剛剛好。松葉蟹肉蟹膏手卷， 份量十足，松葉蟹肉夠曬多， 蟹膏新鮮， 完全冇腥味，仲帶有一陣陣嘅海水鹹味， 飯方面咬落口粒粒均等， 不過最值得稱讚嘅就係塊紫菜， 夠曬脆身， 完全唔會淋截截。最後松葉蟹蒸蛋， 隻蛋蒸得好滑，有啲似日式蒸蛋， 不過就轉咗用蟹肉， 最可惜嘅 就係比較細份， 如果再大碗啲， 就超級抵食。估唔到今次都搵到好嘢食， 本身仲擔心會中伏， 好彩。