影片
更多
2013-01-02
369 瀏覽
新年快樂！見天氣凍，黎九龍城食個煲仔飯，雖未至食到一肚氣，不過都頂住，不吐不快。首先，我同你講食物。我地三人幫襯，嗌左：- 煲仔窩蛋牛肉飯 (鮮牛)- 煲仔排骨滑雞飯..... 黎左「煲仔臘腸排骨飯」- 荔芋排骨煲<<<<< 服務態度 >>>>> 重點！落單篇究竟點解「煲仔排骨滑雞飯」會變左「煲仔臘腸排骨飯」架呢？事緣係本來我地點「煲仔臘腸排骨飯」，諗諗下又有荔芋排骨，不如溝 D 雞啦～於是就改左做「煲仔排骨滑雞飯」勒！！！ （將臘腸變成雞）點知上菜時黎左既係「煲仔臘腸滑雞飯」 （將排骨變成雞）其實都唔緊要，真係唔緊要，我見見整左又趕時間，都話「唔緊要啦！可能落錯左」呀， D 阿姐真係好似好唔忿氣咁架喎！響隔離執緊檯都仲要好冇禮貌咁搭嗲：A：寫錯？邊有寫錯呀？！「臘腸雞」丫嘛！我：係「臘腸排骨」改「排骨雞」，可能聽錯左變左「臘腸雞」嘖！唔緊要．．．A：咩呀？你改「臘腸雞」丫嘛！邊有寫錯嘖？(向 B) 芋頭煲係咪你落架？B：係額！A：咪係囉！芋頭煲都冇錯，邊有落錯嘖？即係咁，第一）我已經話算數；第二）芋頭煲冇
見天氣凍，黎九龍城食個煲仔飯，雖未至食到一肚氣，不過都頂住，不吐不快。
首先，我同你講食物。我地三人幫襯，嗌左：
- 煲仔窩蛋牛肉飯 (鮮牛)
- 煲仔排骨滑雞飯..... 黎左「煲仔臘腸排骨飯」
- 荔芋排骨煲
<<<<< 服務態度 >>>>> 重點！落單篇
究竟點解「煲仔排骨滑雞飯」會變左「煲仔臘腸排骨飯」架呢？
事緣係本來我地點「煲仔臘腸排骨飯」，諗諗下又有荔芋排骨，不如溝 D 雞啦～
於是就改左做「煲仔排骨滑雞飯」勒！！！ （將臘腸變成雞）
點知上菜時黎左既係「煲仔臘腸滑雞飯」 （將排骨變成雞）
其實都唔緊要，真係唔緊要，我見見整左又趕時間，都話「唔緊要啦！可能落錯左」
呀， D 阿姐真係好似好唔忿氣咁架喎！響隔離執緊檯都仲要好冇禮貌咁搭嗲：
A：寫錯？邊有寫錯呀？！「臘腸雞」丫嘛！
我：係「臘腸排骨」改「排骨雞」，可能聽錯左變左「臘腸雞」嘖！唔緊要．．．
A：咩呀？你改「臘腸雞」丫嘛！邊有寫錯嘖？(向 B) 芋頭煲係咪你落架？
B：係額！
A：咪係囉！芋頭煲都冇錯，邊有落錯嘖？
即係咁，第一）我已經話算數；第二）芋頭煲冇落錯點解煲仔飯唔可以錯？
都唔緊要，個客都話算數，又唔追夠，又照食你煲飯兼照俾錢，妳兩個拗咩嘖？！
<<<<< 服務態度 >>>>> 重點！飲品篇
嗌兩杯凍奶茶，冇特別嗌少甜，黎到呢．．．嘩，有好甜蜜既感覺！
男朋友頂唔順，俾左我飲，自己嗌過杯凍檸茶，註明少甜！
由於我地坐響收銀旁，收銀既（唔知係咪老板娘啦）就問我地：好甜咩？
男朋友：係呀，係好甜呀，我都頂唔順，俾左佢飲 (笑)
收銀員：哈哈，係咩，唔怪得啦，搞到佢痴肥～
我：係啦，搞到我咁樣都被人話痴肥．．．．．．
我唔介意一件事，我自問中等身型妳夠膽話我痴肥個下勁丫嘛！話晒都係客丫？
（（（版主，而家係店方對我人身功擊，請你唔好唔批我）））
重點係咩？重點係轉頭有侍應拎杯野黎：凍奶茶。
可能真係太凍，大家聽野真係聽得唔係好清楚。
又或者真係「一定」唔係佢地聽覺有問題；「一定」係我地講錯左啦．．．．．．
<<<<< 煲仔飯 >>>>>
咪道係 OK 唔差既，料都算足，不過如果諗住食飯焦既朋友，呢度唔岩你勒！
因為呢度 D 飯快煮快熟快上，唔係以前炭爐煲仔飯個回事。
唔係新年唔新年既關係，我黎過幾次 -
好凍黎、冇咁凍黎、假期黎、閒日黎、早黎、晏黎，都係冇飯焦既。
<<<<< 荔芋煲 >>>>>
雖然上得快，荔芋都煮得幾"林"，而且都幾"粉"，
又唔會話齋得芋頭冇肉，係幾好味既！
題外話/補充資料：
[b]總括而言，佢 D 野食又唔係特別出色，加上今次遭到咁既待遇，我唔會再黎。[/b]
完。
(以上食評乃用戶個人意見 , 並不代表OpenRice之觀點。)
張貼