影片
更多
2022-08-17
5 瀏覽
好耐冇嚟過太和食嘢啦！太和中心一帶都有唔同菜式嘅餐廳，今次就揀咗麵譜車仔麵！餸菜款式傳統+新穎嘅都有齊曬😚，岩曬👧🏻呢啲花心👻！🌟藤椒煲老藕+瑞士留學雞翼+秘魯豬腩肉+陳皮魚蛋+紫菜 壯陽番茄濃湯+讚岐烏冬番茄濃湯🍅酸甜比例剛剛好，眼見亦有不少番茄蓉同洋蔥🧅，絕對足料。讚岐烏冬係一個Full Size烏冬，滑嫩煙韌，對叫咗咁多餸嘅👧🏻嚟講就份量多咗少少🤏。蓮藕介乎喺腍身但帶點爽口嘅狀況，藤椒辣味唔算明顯，容易入口。瑞士雞翼🇨🇭 滷得入味，雞翼亦幾大隻。豬腩肉🐷炆得腍身，唯獨肥膏比例較高。紫菜冇沙，係健康之選。🌟麻甩辣魷魚+萬年滷大腸+豬紅+豬皮+失戀酸齋+酥炸蝦卷 牛腩汁+河粉河粉質感值得一讚，用嘅係比較厚身嘅麵條，口感一流又唔易斷，比起大多車仔麵檔出色。滷大腸+豬紅+豬皮呢3款豬肉🐷配料均表現不錯👍🏻，大腸洗得乾淨，豬紅豬皮夠爽口。酸齋嘅麵根帶點煙韌，醬汁做得幾出色。至於辣魷魚🦑同酥炸蝦卷🦐就屬於普通貨色。🌟炸魚肉雲呑炸魚肉雲呑一客有5粒，事前已淋上略甜嘅鼓油。雲吞皮有啲啲皂水味，魚肉就夠彈牙。成件事好似食緊煎釀三寶。🌟麵譜口水雞口水雞醬汁麻辣兩者兼備，面層鋪滿大量香烤花生碎🥜，對唔
🌟藤椒煲老藕+瑞士留學雞翼+秘魯豬腩肉+陳皮魚蛋+紫菜 壯陽番茄濃湯+讚岐烏冬
番茄濃湯🍅酸甜比例剛剛好，眼見亦有不少番茄蓉同洋蔥🧅，絕對足料。讚岐烏冬係一個Full Size烏冬，滑嫩煙韌，對叫咗咁多餸嘅👧🏻嚟講就份量多咗少少🤏。蓮藕介乎喺腍身但帶點爽口嘅狀況，藤椒辣味唔算明顯，容易入口。瑞士雞翼🇨🇭 滷得入味，雞翼亦幾大隻。豬腩肉🐷炆得腍身，唯獨肥膏比例較高。紫菜冇沙，係健康之選。
🌟麻甩辣魷魚+萬年滷大腸+豬紅+豬皮+失戀酸齋+酥炸蝦卷 牛腩汁+河粉
河粉質感值得一讚，用嘅係比較厚身嘅麵條，口感一流又唔易斷，比起大多車仔麵檔出色。滷大腸+豬紅+豬皮呢3款豬肉🐷配料均表現不錯👍🏻，大腸洗得乾淨，豬紅豬皮夠爽口。酸齋嘅麵根帶點煙韌，醬汁做得幾出色。至於辣魷魚🦑同酥炸蝦卷🦐就屬於普通貨色。
🌟炸魚肉雲呑
炸魚肉雲呑一客有5粒，事前已淋上略甜嘅鼓油。雲吞皮有啲啲皂水味，魚肉就夠彈牙。成件事好似食緊煎釀三寶。
🌟麵譜口水雞
口水雞醬汁麻辣兩者兼備，面層鋪滿大量香烤花生碎🥜，對唔太食得辣嘅👧🏻嚟講就辣咗少少🤏，不過麻得過癮又有咩所謂呢😆。至於雞肉🐥質感都幾嫩，雞皮夠彈，令人滿意😘。
張貼
