影片
更多
2018-02-24
1327 瀏覽
過年前，大夥兒選了去吃泰菜，為美少女慶生兼團年，來到開年首個飯局，當然要食得豐富啲，所以今次就揀左去北角城市花園酒店「綠茵閣」食自助晚餐。其實嚟之前都有瀏覽過網頁，知道餐廳最近做緊以「美酒‧佳餚‧甜品」為主題的自助晚餐，而且新年期間，更會推出多款意頭菜式同賀年甜品，所以大家都好期待。到埗時，發現唔單止餐廳佈置得金光燦爛，瑰麗繽紛，滿有賀年氣氛，就是連酒店大堂對出嘅位置都用上可愛的小狗作設計主題，啱曬鍾意打卡影相嘅朋友仔。其實一踏入餐廳，已經即時被門口位嘅甜品區吸引住，嘩！放滿左各式各樣的甜點，有迷你馬仔、雞仔餅、芝麻糖、法式杏仁餅、芒果拿破崙、Tiramisu、閃電泡芙、椰汁糕、班蘭蛋糕、木糠布甸、班戟、芝士餅、雜錦朱古力等等，多到不能盡錄，中、西、泰、日，樣樣有齊，令人心花怒放。立即開餐，先自製一碟沙律做前菜，原來餐廳用嘅係水耕菜。水耕菜好處多多，由於水耕菜無須使用泥土種植，比傳統土耕種植更清潔，味道較清甜多水，吃上去沒有泥味，加上種植過程不需使用農藥，食用時也不用擔心農藥殘留及土壤重金屬污染等問題。Deli Bar 有煙三文魚、煙鮫魚、燒牛肉、什凍肉、意式風乾火腿等。煙三文魚每一片
到埗時，發現唔單止餐廳佈置得金光燦爛，瑰麗繽紛，滿有賀年氣氛，就是連酒店大堂對出嘅位置都用上可愛的小狗作設計主題，啱曬鍾意打卡影相嘅朋友仔。
其實一踏入餐廳，已經即時被門口位嘅甜品區吸引住，嘩！放滿左各式各樣的甜點，有迷你馬仔、雞仔餅、芝麻糖、法式杏仁餅、芒果拿破崙、Tiramisu、閃電泡芙、椰汁糕、班蘭蛋糕、木糠布甸、班戟、芝士餅、雜錦朱古力等等，多到不能盡錄，中、西、泰、日，樣樣有齊，令人心花怒放。
立即開餐，先自製一碟沙律做前菜，原來餐廳用嘅係水耕菜。水耕菜好處多多，由於水耕菜無須使用泥土種植，比傳統土耕種植更清潔，味道較清甜多水，吃上去沒有泥味，加上種植過程不需使用農藥，食用時也不用擔心農藥殘留及土壤重金屬污染等問題。
Deli Bar 有煙三文魚、煙鮫魚、燒牛肉、什凍肉、意式風乾火腿等。煙三文魚每一片都非常厚身，食落鹹香油潤，肉質柔軟，用來拌清新的沙律菜吃就最啱 Key。而中間就擺咗五款芝士，有 White Cheddar、Edam Cheese、Blue Cheese、Emmental Cheese、Herbs & Garlic Cheese，用來配克力架、餅乾條及提子吃最夾。
海鮮區有大蜆、藍青口、翡翠螺、蟹腳、大蝦、青口和麵包蟹，選擇都幾豐富，而且望落去都好新鮮，賣相吸引。而個人最欣賞就是蝦隻和體型巨大的麵包蟹，貪前者爽甜彈牙、後者蟹肉結實清甜、蟹膏滿載；加上全部海鮮都 refill 得頗快，十分抵讚。
刺身同壽司方面，刺身款式不多，只有甜蝦、八爪魚、三文魚、希靈魚同油甘，反而壽司和卷物，選擇就較豐富，不過我就始終鍾情厚切嘅三文魚腩，既新鮮又肥美，食落特別有口感，非常好味，想唔俾 Like 都唔得。
烤肉有燒肉眼扒和迷迭香燒羊脾，肉眼牛味重、油脂豐盛，而燒羊脾肉質亦夠曬軟腍，加上羶味不重，就算不嗜羊者亦大可一試。不過講到回本位，當然非即煎澳洲和牛西冷莫屬，不但肉質鮮嫩鬆化、而且入口即溶又芳香。
另一必食推介就係呢款特別為賀年而推出嘅創意西式盤菜，材料非常之豐盛，香味四溢，有豬手、豬脷、燒海蝦、青口、羊架、福袋等，餸菜好有意頭，寓意大家喺新嘅一年家肥屋潤、人人賺到盆滿缽滿。
至於其它熱食，選擇亦挺多，有枝竹羊腩煲、青口、蜆肉意粉、揚州炒飯、酥炸鯪魚球、香煎黑松露蟹餅、什錦天婦羅、燒鴨、咖喱豬、清蒸海上鮮、足料燉湯、皮蛋瘦肉粥等。而轉角位就有 Noodle Station，可以淥麵、米線、金邊粉、丸子等，甚至淨係灼菜食都得，另外湯底就有雲吞湯同冬蔭公湯兩款可供選擇。
終於嚟到最期待的甜品時間，由於正值「新正頭」，加上這晚係大年初七，所以吧檯上的甜品，全部都好有賀年氣氛，有好幾款杯裝小甜點，都用左寫上「恭」「喜」「發」「財」字眼嘅朱古力牌做裝飾，甚至連馬卡龍上面都印有「福」字或財神圖案，配埋魚形賀年布丁，看起來喜氣洋洋，真係未食都甜到入心。
不過幾飽都好，記得要留肚食雪糕，有 Mövenpick 同 Häagen-Dazs 兩大品牌，Mövenpick 個人推介藍莓芝士蛋糕同榛子、而 Häagen-Dazs 就一定要試季節限定嘅九州抹茶麻糬、北海道紅豆麻糬同薰衣草藍莓。抹茶雪糕味道頗甘香，不會過甜；而紅豆雪糕味道就比較甜膩，奶味濃郁，麻糬沒想像中煙韌；薰衣草藍莓有粒粒藍莓果肉，薰衣草味道頗濃。最後分享價錢：陣容超豐富的自助晚餐，週一至四成人$468、長者小童 $418，週五至日及公眾假期，成人 $498、長者小童 $448，OpenRice 有 65折 coupon，適用於星期一至日。
張貼
