影片
更多
2015-12-16
783 瀏覽
係不久前發表嘅米芝蓮美食指南，發現百樂潮州希慎道總店榮登2016米芝蓮推介潮州菜，趁佢哋未大排長龍，快D嚟食多餐先。前菜，皮蛋酸薑，皮蛋香味十足，入口柔滑。非常可惜，今日冇晒荷蘭煙鱔，呢一味菜係我極度推薦嘅前菜，希望下次嚟有機會再次品嚐。湯，杏汁白肺湯，杏汁香濃幼滑，潔白無暇，手工湯水，每次必飲之選。滷水鵝肝併鵝肉，鵝肝微微粉紅色，逞半熟狀態，入口即溶。鵝肉連骨，鵝香味比較濃，我自己個人唔太鍾意食鵝片肉，鵝肉連骨味道更佳。川椒泡帶子，大大隻新鮮帶子，油泡後味道爽甜，加埋辣味，非常開胃。炸雙棗，蝦棗蟹棗，必須每日新鮮製作，鮮味先唔會流失，百樂其中嘅必點之選。沙茶牛肉炒芥蘭，非常鍾意佢哋自家製沙茶醬，花生味夠晒濃郁，牛肉又炒得夠嫩口。希望百樂能夠保持高水準，未來能夠摘吓一星！
前菜，皮蛋酸薑，皮蛋香味十足，入口柔滑。
非常可惜，今日冇晒荷蘭煙鱔，呢一味菜係我極度推薦嘅前菜，希望下次嚟有機會再次品嚐。
湯，杏汁白肺湯，杏汁香濃幼滑，潔白無暇，手工湯水，每次必飲之選。
滷水鵝肝併鵝肉，鵝肝微微粉紅色，逞半熟狀態，入口即溶。鵝肉連骨，鵝香味比較濃，我自己個人唔太鍾意食鵝片肉，鵝肉連骨味道更佳。
川椒泡帶子，大大隻新鮮帶子，油泡後味道爽甜，加埋辣味，非常開胃。
炸雙棗，蝦棗蟹棗，必須每日新鮮製作，鮮味先唔會流失，百樂其中嘅必點之選。
沙茶牛肉炒芥蘭，非常鍾意佢哋自家製沙茶醬，花生味夠晒濃郁，牛肉又炒得夠嫩口。
希望百樂能夠保持高水準，未來能夠摘吓一星！
張貼