澳門新龍記

營業中

休息中

睇旅遊書發現有一間細細既食蟹皇撈麵既茶餐廳。我本身好鐘意食蟹，係香港蟹粥就見得多，但蟹皇撈麵就真係無乜，所以今次特登坐左四個站巴士黎三盞燈附近食。間店有少少難搵，但如果大家坐巴士見到龍華酒樓落車就岩了，係紅街街市斜對面。一入到去，好明顯食客分兩批，一批本地人食飯餐，大大碟，又多餸；而我地拎旅遊書既，就一定點蟹皇撈麵，每碟盛惠28蚊，真係好抵! 我地仲點多一份墨魚餅(8件，48蚊)。碟麵一黎到，嘩~真係好香蟹糕味! 食落，雖然油點，但真係食到蟹皇既鮮味! 我同個friend 都覺得，雖然要等車又要迫車仲要兜左個大圈先搵到，但都值得! 特別係鐘意食蟹既朋友~ 絕對係抵食抵試之選佢仲可以自己配搭，另加蠔仔15蚊、加蟹皇就18蚊。見到隔離檯加左蠔仔都幾大粒，有少少後悔無試添...