香馥樓

營業中

休息中

今日幾個同事一齊聚餐大家都想來試下銅鑼灣呢間新開嘅新派中菜餐廳。環境幽雅大堂闊落，第一感觀就好唔錯吖紅米腸一盅有6件，腸粉皮又薄又軟糯，蝦肉彈牙，外糯裡脆口感豐富，唔點醬汁都夠晒味。鵪鶉蛋燒賣造型好得意喔 皮薄肉質緊致彈牙，咬落去啖啖肉汁滲出來，好鮮甜。鮮竹牛肉球都好唔錯，一盅三大個，個個肉質飽滿，鮮美多汁，好抵食喔。潮汕蒸粉果系我嘅最愛外皮夠晒煙韌，口感好正，內餡餡料豐富，大家一起share，瞬間就光碟，hehe黃橋燒餅亦都幾好味，但系香菇味個人唔系好中意，冇叉燒味個只好食，勝在皮薄香口。生滾粥都好正十分鮮甜，魚片鮮甜滑口，十分解膩。最後用流沙包收尾，好滿意嘅一餐，大家AA食得滿足又抵，下次要帶屋企人一齊來。