影片
更多
2023-01-21
169 瀏覽
到上水廣場行街行到有啲肚餓，一於去食個下午茶，去到三樓就俾佢嘅大門面吸引住，有日本超人、鐵甲人display，門前亦放咗用心設計嘅menu供客人參考。望到店內風格係簡約日式和風設計，大玻璃窗採光度十足。睇到店名叫丼道，顧名思義應該係食丼，咁就一於入去試吓，我哋選擇咗窗前卡位，座位寬敞，下午陽光透入嚟感覺幾溫暖同舒服。#迷你粒粒刺身丼 $60選擇咗下午茶輕食Tea Set，所以預咗係細細碗，粒粒刺身角切，有鯛魚、三文魚、吞拿魚，玉子粒及青瓜粒，食材就較為平實，刺身食落有少少筋，呢個價錢有呢個配套，整體嚟講都唔錯，鍾意食日本嘢可以頂到一吓刺身癮。可能係下午茶關係，我覺得刺身份量少啲，飯比例就多咗。#滑蛋牛肉丼 $60下午茶餐細細碗，如果肚餓嘅話，建議叫返正常丼，滑蛋汁都煮得幾滑，加埋洋蔥肥牛片，都幾好送飯。個餐已經包咗有機烏龍蜂蜜凍茶，可以選擇椰菜絲沙律或者味噌湯，餐廳提供柚子醋可自行加入椰菜絲沙律，味噌湯就正常發揮。#丼道地址：上水龍琛路39號上水廣場3樓317-320號舖
迷你粒粒刺身丼
16 瀏覽
0 讚好
0 留言
椰菜絲沙律、柚子醋
5 瀏覽
0 讚好
0 留言
#迷你粒粒刺身丼 $60
選擇咗下午茶輕食Tea Set，所以預咗係細細碗，粒粒刺身角切，有鯛魚、三文魚、吞拿魚，玉子粒及青瓜粒，食材就較為平實，刺身食落有少少筋，呢個價錢有呢個配套，整體嚟講都唔錯，鍾意食日本嘢可以頂到一吓刺身癮。可能係下午茶關係，我覺得刺身份量少啲，飯比例就多咗。
滑蛋牛肉丼
6 瀏覽
0 讚好
0 留言
味噌湯
4 瀏覽
0 讚好
0 留言
下午茶餐細細碗，如果肚餓嘅話，建議叫返正常丼，滑蛋汁都煮得幾滑，加埋洋蔥肥牛片，都幾好送飯。個餐已經包咗有機烏龍蜂蜜凍茶，可以選擇椰菜絲沙律或者味噌湯，餐廳提供柚子醋可自行加入椰菜絲沙律，味噌湯就正常發揮。
#丼道地址：上水龍琛路39號上水廣場3樓317-320號舖
張貼
