影片
更多
2023-02-04
50 瀏覽
話說上星期同朋友慶祝生日，友人介紹咗呢一間位於銅鑼灣V Point嘅特色餐廳【十八夢】。呢一間餐廳以舞臺為主題， 設有巨型led背景，更有唔同嘅光影效果， 彷如置身teamlab， 非常夢幻而且打卡一流。每晚更有唔同嘅表演者作藝術表演，今晚嘅表現者係演繹出乜嘢係 人靚聲甜。嚟緊嘅情人節2月14有一個，更聯同埋詹瑞文嘅劇團，推出了劇目《異世界捕夢之旅》，著重沉浸式嘅5D體驗享受， 實行邊食邊欣賞，保證食得開心，睇得過癮。要睇嘅就快啲去各大平台買飛喇。第一道菜式 《 海膽帶子他他》，切粒嘅帶子刺身加入咗醬油芥辣 預先調味， 味道鹹中帶鮮 、 鮮味中帶有甜。 上面鋪咗一層海膽魚子醬，具有畫龍點睛嘅作用。另外配埋埋紫菜簿脆一齊食，烤過嘅芝麻紫菜脆卜卜，與帶子他他形成一道強烈嘅口感。《白酒煮青口》， 青口新鮮帶有鹹香，白酒煮成嘅青口汁集酒香、微辣、鮮甜於一身。一定要配埋多士食，一滴不漏!餐廳主打法日菜式，《爐端燒》亦同樣出色。 我哋叫咗幾串串燒， 擺盤相當精美別緻， 同餐廳嘅環境相當匹配，令人賞心悅目。《厚燒豆腐》 簡單搽上醬油去燒，上面加上木魚絲， 既食出豆腐嘅豆香， 同時亦品嚐到就付外層少
呢一間餐廳以舞臺為主題， 設有巨型led背景，更有唔同嘅光影效果， 彷如置身teamlab， 非常夢幻而且打卡一流。
每晚更有唔同嘅表演者作藝術表演，今晚嘅表現者係演繹出乜嘢係 人靚聲甜。
嚟緊嘅情人節2月14有一個，更聯同埋詹瑞文嘅劇團，推出了劇目《異世界捕夢之旅》，著重沉浸式嘅5D體驗享受， 實行邊食邊欣賞，保證食得開心，睇得過癮。要睇嘅就快啲去各大平台買飛喇。
第一道菜式 《 海膽帶子他他》，切粒嘅帶子刺身加入咗醬油芥辣 預先調味， 味道鹹中帶鮮 、 鮮味中帶有甜。 上面鋪咗一層海膽魚子醬，具有畫龍點睛嘅作用。
另外配埋埋紫菜簿脆一齊食，烤過嘅芝麻紫菜脆卜卜，與帶子他他形成一道強烈嘅口感。
《白酒煮青口》， 青口新鮮帶有鹹香，白酒煮成嘅青口汁集酒香、微辣、鮮甜於一身。
一定要配埋多士食，一滴不漏!
餐廳主打法日菜式，《爐端燒》亦同樣出色。 我哋叫咗幾串串燒， 擺盤相當精美別緻， 同餐廳嘅環境相當匹配，令人賞心悅目。
《厚燒豆腐》 簡單搽上醬油去燒，上面加上木魚絲， 既食出豆腐嘅豆香， 同時亦品嚐到就付外層少少嘅焦香氣息。
《厚燒牛舌心》， 燒牛舌一定係串燒的必點項目。 牛舌肉質爽口嫩滑， 豐盈嘅油香， 加埋牛嘅酥香， 令人回味。
最後嘅一道主菜《香煎北海道帆立貝龍蝦汁米形粉》， 米形粉口感比起意大利飯爽口， 但同時亦有那一份軟糯感覺。 北海道帶子帶有溏心效果， 米形粉入面有多款嘅蔬菜， 爽口嘅蘆筍， 完美嘅南瓜同埋蘿蔔粒， 令整體嘅口感層次更為豐富。配合埋鮮味嘅龍蝦汁， 令人垂涎三尺。
一邊聽歌， 一邊傾下計， 再叫埋一杯甜度適中嘅prosecco飲下， 快樂嘅時光好快就完結。 嚟緊二月份要約朋友一齊睇演出至得。
張貼
