漁一海鮮火鍋料理 (已搬遷) 新店位置

同朋友放工行過尖沙咀寶勒巷， 就俾我地發現呢間新開嘅漁一；見到佢樓下banner 仲寫新張期間全單有折， 就決定試試佢。 一入場內眼前一亮，乾淨齊整。先叫左奇味雞煲中辣； 覺得唔係專門食四川麻辣嘢嘅地方有幾辣丫。 點知：媽！ 好辣呀⋯⋯ 好彩佢地水滾茶靚， 茶有陣淡淡香味仲好解辣。 雞雖然辣， 但很嫩，而且冇雪藏味。 我地兩個人唔算大食之人， 所以只叫左手切安格斯肥牛，韮菜餃子同蝦滑。 估唔到肥牛大大碟，肥瘦均勻同牛味濃， 好有驚喜。餃子就皮薄餡靚， 粒粒飽滿；第二度食唔到。蝦滑仲要咁大份； 又夠軟同彈牙。刺身厚切，新鮮，肥美👍🏻因為全部嘢又大份又好味； 真係極度滿足。 有機會再黎。