越北牛肉粉

營業中

休息中

今日同朋友，嚟咗柴灣呢間新嘅越南餐廳食下午茶，餐廳環境舒適，以卡位為主。我地一人點左一個套餐，另外加咗兩個小食和一個甜點。河內香茅烤雞扒河粉：雞扒自動分開上，外脆內嫩。越北三寶(撈檬):撈檬，幾開胃，另外入面有香茅豬扒、香茅雞翼和扎肉，三樣嘅味道都不錯。小吃我地就點左馬拉盞炒通菜和峴港炸蝦餅，炸蝦餅配合埋嗰甜酸醬食很不錯。甜點椰汁斑蘭糕，不會太甜而且幾煙靭。另外飲品就點了桂圓紅棗茶，係冬天飲好滋潤和溫暖。朋友就飲椰汁三色冰。下午茶價錢相宜，而且份量都好大，幾抵食。