漁樂 (已結業)

是日小食:-本灣海赤米蝦-鮮味魚仔湯只要行長洲碼頭的一條街, 好難唔發現呢間舖頭; 舖頭的枱仔由汽水膠盒組成, 成間舖頭都感覺好chill!老細會用IPAD介紹有咩食, 8成係炸物, 總共有6款野食,同4款野飲.-本灣海赤米蝦原本想食"去骨鱭魚",因為未聽過鱭魚; 但睇到相的時候, 忍唔住要左份赤米蝦!炸到好香脆, 調味亦都岩岩好, 略帶少少咸, 同炸蝦好夾!因為赤米蝦蝦殼好薄, 炸完連蝦殼食都得!嫌齋食會好寡,旁邊有檸檬汁同沙律醬作調味!-鮮味魚仔湯據老闆娘講, 已經有半年無做過魚仔湯, 因為D魚仔好細條, 買唔落手, 應為魚仔太細條係應該唔好捕獲魚仔湯裡面有蔥花同紫菜, 魚仔湯好鮮甜, 而且飲落去, 身都暖晒!總結:蝦同魚仔湯都食得出好鮮甜, 亦都食得出老細揀既時候好用心;老細好中意同人吹水, 不過臨走的時候, 老細講左句,"肥仔下次再黎呀", 我就有少少唔係幾開心...