馳走家 (德福廣場2期)

營業中

休息中

嚟到德福商場二期食中午，比呢一間餐廳嘅裝修吸引住🤣外面可以隔住玻璃窗睇到廚房裏面廚師切魚生，成件事真係好有日本嘅感覺。今次食咗個魚生飯，一嚟到就已經知道今次一定係大滿足。每樣魚生都大大片仲有蟹柳同埋玉子，可以話係要乜有乜。醋飯味道啱啱好同啲魚生好夾，口感亦都唔會溶溶爛爛或者太死實，相當鬆軟。印象中最深刻嘅品種係鯛魚、三文魚、魷魚。鯛魚好出色，甘甜嘅鮮味再加上新鮮肉質嘅口感令人想再encore。三文魚就相當肥美，比平時食壽司郎嗰啲更好食。魷魚超厚切呈現半透明嘅奶白色，軟韌嘅口感細嚼後香甜嘅鮮味爆發出來，可以話係MVP。食到一半有少少濟，自製咗一個小壽司食😂紫蘇葉成功緩解左我既膩感，配上魚子一齊食口感再豐富咗。價錢其實小貴，不過整體嚟講都算值得。