南瀛水產

今次去了尖沙咀食燒海鮮，餐廳主打燒海鮮、魚生刺身、海鮮丼、壽司等等，呢到會有專人幫你燒烤，服務十分貼心，店員控制火喉熟練，可以食到最鮮嫩美味嘅海鮮！海鮮盛合海鮮盛合有生蠔、帆立貝、鮑魚同蜆，海鮮夠曬大隻又新鮮，仲會配搭清酒，食落滿滿酒香，令人食慾大開。蟹味噌甲羅燒蟹蓋內有齊蟹膏、蟹肉、蟹籽、鵪鶉蛋同香蔥，入口綿密鹹香，我用刺身丼嘅飯拌勻食，真係正到爆！南瀛極上刺身丼刺身丼有牡丹蝦、油甘魚、三文魚籽、吞拿魚、拖羅魚蓉、鯛魚、海膽，肉質新鮮又鮮甜，令人十分滿足！雲丹蟹肉卷雲丹蟹肉卷一入口鮮味就在爆發，整個口腔都充滿雲丹嘅鮮甜味，食完好想再encore。吉列炸蠔炸蠔外衣炸到金黃酥脆，粉漿厚度適中，蠔肉鮮味濃郁，肥美多汁。