影片
更多
2017-11-08
472 瀏覽
位於灣仔上樓的Omakase店 - 鮨鶴，地點雖然有點隱蔽，佔地不算大，但光顧的人流也不少，相信是因為食材新鮮的關係，還有師傅的用心。Omakase 分有4種價錢的套餐: 10款+卷物的櫻都$800，12款+卷物的正葵$1000，15款+卷物的丹楓$1200及18款+卷物的祥鶴$1500，所有套餐內容包括了前菜、刺身、合肴、壽司、卷物、玉子燒、止椀同甜品。先來前菜三款北海道白粟米 - 不用煮或燒就可以直接食，咬落爽口juicy，好香粟米味，味道非常香甜，比普通的粟米好食。 胡麻菠菜裙邊 - 加了胡麻醬的菠菜和帶子裙邊，非常香口開胃。 日本髮菜 - 細細杯以為係漬物，師傅話係日本髮菜，食落口感煙韌，有點似平時食到既髮菜既口感，不過感覺就清爽好多。前菜有驚喜之餘，兩款漬物亦都出色。 柚子蘿蔔 - 蘿蔔味道香甜微酸，爽口之餘帶點柚子香味，十分適合食主菜前清一清味蕾。麵豉蒜頭 - 蒜味香而不辣，再加上麵豉咸香味令味道更佳，蒜頭愛好者必食。之後到三款刺身海螺 - 唔洗點豉油食已經好夠味，新鮮度十足，好爽口。赤貝 - 味道鮮甜，質感爽口。平政 - 即是油甘魚，魚油甘香。日本珍珠蠔 - 清洗得乾淨入
Omakase 分有4種價錢的套餐: 10款+卷物的櫻都$800，12款+卷物的正葵$1000，15款+卷物的丹楓$1200及18款+卷物的祥鶴$1500，所有套餐內容包括了前菜、刺身、合肴、壽司、卷物、玉子燒、止椀同甜品。
先來前菜三款
北海道白粟米 - 不用煮或燒就可以直接食，咬落爽口juicy，好香粟米味，味道非常香甜，比普通的粟米好食。
胡麻菠菜裙邊 - 加了胡麻醬的菠菜和帶子裙邊，非常香口開胃。
日本髮菜 - 細細杯以為係漬物，師傅話係日本髮菜，食落口感煙韌，有點似平時食到既髮菜既口感，不過感覺就清爽好多。
前菜有驚喜之餘，兩款漬物亦都出色。
柚子蘿蔔 - 蘿蔔味道香甜微酸，爽口之餘帶點柚子香味，十分適合食主菜前清一清味蕾。
麵豉蒜頭 - 蒜味香而不辣，再加上麵豉咸香味令味道更佳，蒜頭愛好者必食。
之後到三款刺身
海螺 - 唔洗點豉油食已經好夠味，新鮮度十足，好爽口。
赤貝 - 味道鮮甜，質感爽口。
平政 - 即是油甘魚，魚油甘香。
日本珍珠蠔 - 清洗得乾淨入口沒有沙，嫩滑多汁之餘海水味都幾重，又夠大隻，輕輕加小小蔥花調味已經好食。
海膽腐竹 - 甘香味重的海膽加上清淡腐竹，味道好和諧，互相平衡。
紫菜燒帶子海膽 - 帶子味道鮮甜，再加上同樣鮮甜甘香的海膽，雙重鮮滋味，燒過後微微焦燶，用紫菜包住更加香口好食。
蒸鮑魚 - 師傅話鮑魚先蒸5個鐘再浸一晚，所以味道香濃入味，鮑魚彈牙又唔會過韌。
之後到7款壽司和一款手卷
石垣貝壽司 - 味甘爽脆，食落有點似赤貝，但味道無咁強。
金目鯛 - 肉質細緻鮮美，爽脆鮮甜。
右口魚邊 - 油脂豐富，入口即溶。
秋刀魚 - 用時令的秋刀魚做壽司，魚味入口較濃，令人回味。
大toro - 夠肥美，油脂甘香，滿口魚香，入口即化。
燒蝦膏牡丹蝦 - 蝦膏味道極為香濃，與鮮美的牡丹蝦融合後，濃而不膩，個人最喜歡。
北海道海膽 - 味道鮮甜甘香，味覺一大享受。
吞拿魚腩蓉手卷 - 師傅先用火槍燒魚油出來，再加魚腩蓉，而且要5秒內即食因為要保持各食材的鮮度。
鯛魚湯 - 用七種魚煲成既湯，魚味非常濃郁，而且湯料也很足，食完刺身壽司再加個魚湯，滿足。
最後到甜品，抹茶奶凍 - 都係由師傅一手包辦主理，恰到好處的甜度和茶的甘澀，加埋紅豆粒，不錯的結尾。
張貼
