金牌小龍 (已結業)

近呢兩晚都要開OT，難得朋友肯就我喺我公司附近食晚飯，很感動，朋友鍾意食上海野，所以選擇咗呢間餐廳店員好殷勤咁安排左我哋三個人坐卡位，很細心，由於太肚餓嘅關係，唔駛1分鐘，我哋就叫好嘢食首先我最鍾意食嘅皮蛋豆腐，份量好多，皮蛋每一件都晶瑩剔透，醬汁調味得好好，正其次我最鍾意就係食小籠包，同埋餃子餡餅，尤其是小籠包湯汁濃郁，而且個皮恰到好處，唔會太薄，咁就唔會太容易穿特別要讚一讚個水煮牛肉，初初見色澤好似冇乜味，但原來有驚喜，個醬汁恰到好處，牛肉唔會太硬蟹皇瑤柱西蘭花亦都係個醬汁出色呢個燉盅湯麵，個湯就咁飲都好清甜，所以食完碗麵我哋都要飲埋個湯