Cafe&Meal MUJI

營業中

休息中

買左無印既野咁多年，講就講話要去食下佢既muji cafe 但一路都冇去食。可能以前覺得貴，或者係今年少左洗費，所以出開黎又一城，下晝兩三點又都咩都未食，諗到就去食。當我以為係食番佢地百幾蚊幾個小菜既set果陣，原來宜家連d set都暫時轉哂做同外賣差唔多定一樣既款。唔緊要啦，就揀個黎試下。原本其實係想試下南蠻雞，但估唔到佢地連幅相都影到有少少唔開胃，我都有d驚訝，哈哈。所以穩穩陣陣叫個咖哩黎食就岩。除左個咖哩飯，仲加左個菠蘿苦瓜沙律。苦瓜因為個dressing，入口甜到好似醃過黎咁，易入口，但食落都係苦。我就係鐘意佢苦而且都幾新鮮，又爽又fresh，不過就太細個啦。飯既料好足，雞肉都有幾多舊，肉質都唔錯。然後蔬菜配料有常見既紅蘿蔔同薯仔，仲有少見但食落唔覺得突兀既青瓜。咖哩偏甜帶酸，食到香料同牛油味，辣就少少接近唔辣，少食辣既人都可以試下。加埋杯凍紅茶埋單都唔洗一百，比想像中平。不過疫情過左之後會再黎試下佢之前果個menu。